నటి పూర్ణను వేధించిన కేసులో నలుగురు అరెస్టు

హీరోయిన్ పూర్ణను వేధిస్తున్న నలుగురిని కేరళ పోలీసులు అరెస్టు చేశారు. ఇటీవలె ఈ నటి కొంత మంది తనను బ్లాక్​మెయిల్​ చేస్తూ డబ్బులు ఇవ్వాలని డిమాండ్​ చేస్తున్నట్లు ఫిర్యాదు చేశారు.

నటి పూర్ణను బ్లాక్​మెయిల్​ చేస్తున్నట్లు నమోదైన కేసులో.. నలుగురిని కేరళ పోలీసులు అదుపులోకి తీసుకున్నారు. వారిని శరత్​, అష్రఫ్​, రఫీక్​, రమేశ్​గా గుర్తించారు.

కొంతమంది తనను వేధిస్తున్నారని, లక్ష రూపాయలు ఇవ్వకపోతే తన కెరీర్​ నాశనం చేస్తామని బెదిరిస్తున్నట్లు పేర్కొన్నారు పూర్ణ. ఈ మేరకు ఇటీవలె కేరళలోని మారాడు పోలీస్​ స్టేషన్​లో ఫిర్యాదు చేశారు.

వేధింపుల కేసులో అరెస్టయిన నలుగురు

డ్యాన్సర్​గా కెరీర్​ ప్రారంభించిన షమ్న ఖాసిం అలియాస్​ పూర్ణ.. ఆ తర్వాత మోడల్​గా, నటిగా, బుల్లితెరపై జడ్జిగా మెప్పిస్తున్నారు. 2004లో వెండితెరపై అరంగేట్రం చేసిన ఈ భామ.. ఇప్పటివరకు దాదాపు 40 చిత్రాల్లో నటించారు.