హీరో విశ్వక్​​ 'లేడీస్ నైట్​'లో నలుగురు హీరోయిన్లు!

టాలీవుడ్​లో మరో వినూత్న ప్రయోగం చేసేందుకు సిద్ధమవుతున్నారు. హాలోవీన్ నేపథ్య కథాంశంతో ఓ సినిమా తీస్తున్నారు. ఇందులో విశ్వక్​సేన్​ సరసన నలుగురు హీరోయిన్లు నటిస్తున్నారని టాక్.

అభిమానులను అలరిస్తున్న టాలీవుడ్​ యువహీరోల్లో విశ్వక్​సేన్​(Viswaksen) ఒకరు. ఈ నగరానికి ఏమైంది, ఫలక్​నుమా దాస్, హిట్​ తదితర చిత్రాలతో ఆకట్టుకున్నారు. త్వరలో 'పాగల్'(Paagal) అంటూ ప్రేక్షకుల ముందుకు రానున్నాడు. అయితే ఇతడు నటిస్తున్న ఓ ద్విభాషా చిత్రంలో ఏకంగా నలుగురు హీరోయిన్లు నటిస్తున్నారని సమాచారం.

హారర్ థ్రిల్లర్​గా తెలుగు, తమిళంలో తెరకెక్కుతున్న సినిమా 'అక్టోబరు 31 లేడీస్ నైట్'(October 31st Ladies Night). విశ్వక్​సేన్ ప్రధాన పాత్రలో నటిస్తున్నాడు. ఇందులో మేఘా ఆకాశ్, మాంజిమా మోహన్, రెబా జాన్, నివేదా పేతురాజ్ కథానాయికలుగా నటిస్తున్నారట. హాలోవీన్ నేపథ్యంతో ఈ చిత్రాన్ని తెరకెక్కించనున్నారు. తెలుగులో ఈ తరహాలో రూపొందుతున్న తొలి సినిమా ఇదేనట! త్వరలో దీని గురించి పూర్తి వివరాలు తెలిసే అవకాశముంది.

విశ్వక్​సేన్

ఇవీ చదవండి: