కరోనా వైరస్‌ నియంత్రణలో భాగంగా విధించిన లాక్‌డౌన్తో సినీ సెలబ్రిటీలంతా రెండు నెలలుగా ఇళ్లకే పరిమితమయ్యారు. షూటింగ్లు లేకపోవడం వల్ల కుటుంబంతో గడుపుతున్నారు. అయితే ఇటీవలె లాక్డౌన్ నిబంధనల్లో కొన్నింటికి సడలింపులు ఇచ్చింది కేంద్రం. అయినా సరే.. అవసరం ఉంటే తప్ప బయటికి రావొద్దని సూచించింది. ఈ నేపథ్యంలో కథానాయిక కాజోల్ ఔటింగ్ను మిస్ అవుతున్నారట. ఆమె మంగళవారం 'దిల్వాలే దుల్హనియా లేజాయేంగే' స్టిల్‌ను షేర్ చేస్తూ.. 'మనమంతా బయటికి వెళ్లేందుకు తయారౌతున్న రోజుల్లో..' అని కామెంట్‌ చేశారు. ఈ ఫొటోకు నెటిజన్లు తెగ కామెంట్లు చేశారు.
'దిల్వాలే దుల్హనియా లేజాయేంగే' సినిమా 1995లో విడుదలై బ్లాక్‌బస్టర్‌ విజయం అందుకుంది. అంతేకాదు జాతీయ అవార్డుతోపాటు పలు పురస్కారాలు సొంతం చేసుకుంది. ఈ సినిమాలో షారుక్ ఖాన్ కథానాయకుడిగా నటించారు. ఆదిత్యా చోప్రా దర్శకుడు. యశ్‌ చోప్రా నిర్మించారు. మనీష్‌ మల్హోత్రా కాస్ట్యూమ్స్ డిజైన్‌ చేశారు.