చదువులు, ర్యాంకుల పేరుతో పిల్లలపై చేసే ఒత్తిడి ఎలాంటి పరిణామాలకు దారితీస్తుందనే కథాంశంతో తెరకెక్కిన చిత్రం 'ఫస్ట్ ర్యాంక్ రాజు'. కన్నడలో ఘనవిజయం సాధించిన ఈ చిత్రం తెలుగులో అదే పేరుతో జూన్ 21న ప్రేక్షకుల ముందుకు రాబోతుంది.
హైదరాబాద్ ప్రసాద్ ల్యాబ్స్లో ఫస్ట్ ర్యాంకు రాజు విశేషాలను వెల్లడించింది చిత్రబృంధం. గీతా ఆర్ట్స్ సంస్థ ఈ చిత్రాన్ని తెలుగు రాష్ట్రాల్లో విడుదల చేస్తోంది. నరేష్ కుమార్ దర్శకత్వంలో తెరకెక్కిన ఈ చిత్రంలో చేతన్ ప్రధాన పాత్రలో నటించాడు. ప్రకాశ్ రాజ్, రావు రమేష్, నరేష్, బ్రహ్మానందం, పోసాని కృష్ణమురళి, ప్రియదర్శి కీలక పాత్రలు పోషించారు