బాలీవుడ్లో మరో ఆసక్తికర మల్టీస్టారర్‌కు రంగం సిద్ధమైంది. ప్రముఖ హీరోలు సంజయ్‌ దత్, అజయ్‌ దేవగణ్‌లతో పాటు తెలుగు కథానాయకుడు రానా నటిస్తున్న ఆ చిత్రమే ‘భుజ్: ది ప్రైడ్ ఆఫ్ ఇండియా’. సోనాక్షి సిన్హా, పరిణీతి చోప్రా కీలక పాత్రల్లో కనిపించనున్నారు.
భారత్ - పాకిస్థాన్‌ యుద్ధం(1971) నేపథ్యంలో వాస్తవిక సంఘటనల ఆధారంగా ఈ చిత్రం తెరకెక్కుతోంది. ఆ యుద్ధంలో భారత్ విజయంలో కీలక పాత్ర పోషించిన విజయ్‌ కర్నిక్‌ అనే ఎయిర్‌ ఫోర్స్‌ స్క్వాడ్రన్‌ లీడర్‌గా అజయ్‌ దేవగణ్‌ నటిస్తున్నాడు. ఆర్మీ అధికారిగా రానా, భారత సైనిక దళానికి సహకరించే ఓ పౌరుడిగా సంజయ్‌ దత్ కనిపించనున్నారు.