'ఈద్​' బరి నుంచి సల్మాన్ ఔట్​.. కానీ...!

ప్రస్తుతం నటిస్తున్న 'ఇన్షా అల్లా' సినిమాను వాయిదా వేస్తున్నట్లు ట్వీట్​ చేశాడు కండలవీరుడు సల్మాన్​ఖాన్. అయినప్పటికీ ఈద్​ పండుగ రోజున మరో సినిమాతో ప్రేక్షకులను కలుస్తానని చెప్పాడు.

బాలీవుడ్​ స్టార్ హీరో సల్మాన్​ఖాన్.. వచ్చే ఏడాది ఈద్​ బరి నుంచి తప్పుకున్నాడు. సంజయ్​ లీలా భన్సాలీ దర్శకత్వంలో నటిస్తున్న 'ఇన్షా అల్లా' సినిమాను వాయిదా వేస్తున్నట్లు ట్వీట్​ చేశాడు. అయితే అదే సమయానికి మరో చిత్రంతో ప్రేక్షకుల ముందుకు వస్తానని చెప్పాడు.

"సంజయ్​లీలా భన్సాలీ దర్శకత్వంలో చేస్తున్న సినిమా ఈద్​కు రావట్లేదు. కానీ ఆ పండుగకు నేను మిమ్మల్ని కలుస్తాను". -ట్విట్టర్​లో సల్మాన్​ఖాన్

హీరో సల్మాన్​ఖాన్

దాదాపు రెండు దశాబ్దాల తర్వాత సల్మాన్​తో పనిచేస్తున్నాడు భన్సాలీ. ఈ హీరోతో 1996లో తీసిన 'కామోషీ-ద మ్యూజికల్​' సినిమాతో దర్శకుడిగా ఎంట్రీ ఇచ్చాడు సంజయ్. ఆ తర్వాత వీరిద్దరూ 'హమ్ దిల్ దే చుకే సనమ్' కోసం కలిసి పనిచేశారు. ఇందులో ఐశ్వర్యరాయ్, అజయ్ దేవగణ్​ నటించారు. భన్సాలీ రూపొందించిన 'సావరియా'లో అతిథి పాత్ర పోషించాడు సల్మాన్.

ఇది చదవండి: కొమురం భీంగా ఎన్టీఆర్ కనిపించేది ఆరోజే..!