భారత మాజీ రాష్ట్రపతి ప్రణబ్ ముఖర్జీ(84) అనారోగ్యంతో తుదిశ్వాస విడిచారు. దిల్లీలోని సైనిక ఆస్పత్రిలో చికిత్స పొందుతూ కన్నుమూశారు. దీంతో యావత్ సినీపరిశ్రమ దిగ్భ్రాంతికి గురైంది. గాయకురాలు లతా మంగేష్కర్, మెగాస్టార్ చిరంజీవి, మహేశ్ బాబు, మోహన్లాల్ , హీరోయిన్ తాప్సీ సహా పలువురు సినీ ప్రముఖులు ఆయనకు నివాళులు అర్పించారు. ఓ మంచి నాయకుడిని కోల్పోవడం భారత జాతికి తీరని లోటని సోషల్ మీడియా వేదికగా సంతాపం వ్యక్తం చేశారు.
"మాజీ రాష్ట్రపతి ప్రణబ్ ముఖర్జీ మరణం బాధించింది. ఆయనతో మంచి అనుబంధం ఉంది. ఆయన కుటుంబసభ్యులకు నా ప్రగాఢ సానుభూతి"
-లతా మంగేష్కర్, ప్రముఖ గాయని