తనను కరోనా బారి నుంచి తప్పించిన వైద్యులకు చాలా కృతజ్ఞతలు చెప్పారు బిగ్బీ అమితాబ్ బచ్చన్. తన కుమారుడు అభిషేక్ ఇంకా ఆస్పత్రిలో ఉన్నాడని, అందుకు కొంచెం బాధగా ఉందని అన్నారు.
దాదాపు మూడు వారాల అనంతరం ఆదివారం(ఆగస్టు 2) చేసిన పరీక్షల్లో అమితాబ్కు నెగటివ్ వచ్చింది. దీంతో ఆస్పత్రి నుంచి ఈయన ఇంటికి వచ్చేశారు.
"కరోనా నుంచి కోలుకుని ఇంటికి వెళ్లిన తర్వాత ఎంతో హాయిగా ఉంది. కానీ అభిషేక్ ఇంకా ఆస్పత్రిలో ఉండటం బాధగా ఉంది. త్వరగా అతడు కోలుకుని, ఇంటికి వస్తాడనుకుంటున్నాను" అని అమితాబ్ చెప్పారు.
ఈ వైరస్ను అరికట్టటంలో భాగంగా వైద్యులు నిరంతం శ్రమిస్తూనే ఉన్నారని బిగ్బీ అన్నారు. కరోనా గురించి తమకు తెలిసిన సమాచారాన్ని ప్రపంచంలో పలు ఫార్మా సంస్థలకు చెబుతున్నారని తద్వారా మందు కనుగొనే అవకాశముందని అమితాబ్ స్పష్టం చేశారు.