Faria Abdullah: మొక్కలు నాటిన జాతిరత్నాలు ఫేమ్​ ఫరియా అబ్దుల్లా

Faria Abdullah Accepted Green India Challenge: రాజ్యసభ సభ్యులు జోగినపల్లి సంతోష్​కుమార్​ శ్రీకారం చుట్టిన గ్రీన్​ ఇండియా ఛాలెంజ్​కు అనూహ్యమైన స్పందన వచ్చింది. ఎందరో ప్రముఖులు ఈ ఛాలెంజ్​లో పాల్గొని తమ వంతుగా మొక్కలు నాటారు. తాజాగా టాలీవుడ్​ కథానాయిక ఫరియా అబ్దుల్లా​ ఈ ఛాలెంజ్​లో భాగమయ్యారు. ఫిలింనగర్​లో మొక్కలు నాటారు.

Faria Abdullah Accepted Green India Challenge: అడవులు, పర్యావరణాన్ని పరిరక్షించేందుకు ఎంపీ సంతోష్​​​కుమార్‌ చేస్తున్న అద్భుతమైన ఉద్యమం గ్రీన్‌ ఇండియా ఛాలెంజ్‌ అని సినీ కథానాయిక ఫరియా అబ్దుల్లా పేర్కొన్నారు. గ్రీన్ ఇండియా ఛాలెంజ్​లో భాగంగా జాతిరత్నాలు ఫేమ్, నటి ఫరియా అబ్దుల్లా ఫిలింనగర్​లో మొక్కలు నాటారు. టాలీవుడ్ హీరోలు ఆనంద్​ దేవరకొండ, నవీన్ పొలిశెట్టి, హీరోయిన్ శాన్వీ మేఘన విసిరిన ఛాలెంజ్​ను స్వీకరిస్తూ నటి ఫరియా అబ్దుల్లా ఈ ఛాలెంజ్​లో భాగమయ్యారు.

ఎంపీ సంతోష్ కుమార్ చేపట్టిన గ్రీన్ ఇండియా ఛాలెంజ్​లో పాల్గొని మొక్కలు నాటడం సంతోషంగా ఉందని, ప్రతి ఒక్కరు ఈ ఛాలెంజ్ స్వీకరించి మొక్కలు నాటాలని ఫరియా కోరారు. అనంతరం గ్రీన్ ఇండియా ఛాలెంజ్ కో-ఫౌండర్ రాఘవ.. ఫరియా అబ్దుల్లాకి 'వృక్షవేదము' పుస్తకాన్ని బహుకరించారు.

ఇవీ చదవండి: