'విన్నైతండి వరువాయ' (తెలుగులో 'ఏమాయ చేశావే') చిత్రంలో కలిసి నటించి ప్రేక్షకుల హృదయాలను గెలుచుకున్నారు నటీనటులు శింబు, త్రిష. ప్రముఖ దర్శకుడు గౌతమ్‌ మేనన్‌ దర్శకత్వం వహించిన ఈ సినిమాలో వీరి మధ్య ఉన్న కెమిస్ట్రీ చూసి చాలామంది వీరిద్దరూ ప్రేమలో ఉన్నారనుకున్నారు. వీరు కలిసి ఏడడుగులు వేయనున్నారంటూ గతంలో ఎన్నో వార్తలు వచ్చినప్పటికీ తాము మంచి స్నేహితులమే అని ఈ జంట సమాధానమిచ్చింది.
హాట్ టాపిక్గా మారిన శింబు-త్రిష పెళ్లి!
ప్రముఖ నటీనటులు శింబు, త్రిష త్వరలోనే పెళ్లిపీటలెక్కనున్నారంటూ మరోసారి వార్తలు సినీ వర్గాల్లో చక్కర్లు కొడుతున్నాయి. ఇదే విషయమై శింబు తండ్రి రాజేందర్ను స్పందించమని కోరగా.. ఆయన ఎలాంటి సమాధానం చెప్పకుండా ప్రశ్నను దాటవేశారు.
హాట్ టాపిక్గా మారిన శింబు-త్రిష పెళ్లి!
కాగా, లాక్‌డౌన్‌ సమయంలో త్రిష-శింబు కలిసి 'కార్తీక్‌ డయల్‌ సేతా యెన్‌' అనే షార్ట్‌ ఫిల్మ్‌ కోసం పనిచేశారు. అయితే ఈ ఏడాది డిసెంబర్‌లో ఓ శుభవార్త చెబుతానంటూ శింబు ఇటీవల ప్రకటించారు. దీంతో త్రిష-శింబు రిలేషన్‌లో ఉన్నారని, వీరిద్దరూ అతి త్వరలోనే వివాహం చేసుకోనున్నారంటూ మరోసారి వార్తలు చక్కర్లు కొడుతున్నాయి. వీరిద్దరి రిలేషన్‌ గురించి నెట్టింట్లో పలు పోస్టులు కూడా దర్శనమిస్తున్నాయి.
తాజాగా తమిళ నిర్మాతల మండలి ఎన్నికల్లో ఈ ఏడాది శింబు తండ్రి రాజేందర్ పోటీ చేయనున్నట్లు ప్రకటించారు. ఈ సందర్భంగా ఆయన మీడియాతో మాట్లాడారు. ఇందులో భాగంగా ఓ విలేకరి.. శింబు-త్రిష పెళ్లి గురించి స్పందించమని కోరగా.. ఆయన మాత్రం ఎలాంటి సమాధానం చెప్పకుండా ఆ ప్రశ్నను దాటవేశారు.