ప్రముఖ హాస్యనటుడు బ్రహ్మానందం.. తన అసమాన ప్రతిభతో ఎందరో అభిమానుల్ని సొంతం చేసుకున్నారు. ఎన్నో మరపురాని చిత్రాల్లో తనదైన శైలిలో నటించి, ప్రేక్షకుల్ని కడుపుబ్బా నవ్వించారు. అలాంటి ఆయనలో ఓ అద్భుతమైన చిత్రకారుడు ఉన్నారని తాజాగా నిరూపించారు. లాక్డౌన్ వేళ ఇంట్లోనే ఉన్న బ్రహ్మీ.. ప్రముఖ రచయిత శ్రీశ్రీ చిత్రాన్ని పెన్సిల్తో ఆకట్టుకునేలా గీశారు. అందుకు సంబంధించిన ఫొటోల్ని ఆయన కుమారుడు గౌతమ్, సోషల్ మీడియాలో పంచుకున్నాడు. అవి ఇప్పుడు వైరల్గా మారాయి.
తనలోని మరో కళను బయటపెట్టిన బ్రహ్మానందం
లాక్డౌన్తో ఇంట్లోనే ఉన్న కమెడియన్ బ్రహ్మానందం.. తనలోని చిత్రకారుడ్ని బయటకు తీశారు. ప్రముఖ రచయిత శ్రీశ్రీ పెన్సిల్ స్కెచ్ను గీసి ఆహా అనిపించారు.
హాస్య నటుడు బ్రహ్మానందం
ప్రస్తుతం లాక్డౌన్ వల్ల ఇంట్లోనే ఉన్న పలువురు సెలబ్రిటీలు.. వివిధ రకాలు వీడియోలు పోస్ట్ చేస్తూ నెటిజన్లను అలరిస్తున్నారు. కరోనాను అరికట్టటంలో భాగంగా ఇంట్లోనే ఉండాలని ప్రజలకు సూచిస్తున్నారు.