F3 Movie Release Date: వెంకటేశ్‌, వరుణ్‌ తేజ్‌ కీలక పాత్రల్లో అనిల్ రావిపూడి తెరకెక్కించిన కామెడీ ఎంటర్‌టైనర్‌ 'ఎఫ్‌3'. తమన్నా, మెహరీన్‌ కథానాయికలు. గతంలో వచ్చిన 'ఎఫ్‌2'కు కొనసాగింపుగా కొత్త కథతో ప్రేక్షకులను అలరించేందుకు సిద్ధమైంది. ఇటీవలే ఈ సినిమా టాకీ పార్ట్ పూర్తయినట్లు చిత్ర బృందం తెలిపింది. ఈ మేరకు వీడియోను పంచుకుంటూ, "మా షూటింగ్ జర్నీ పూర్తి అయింది. మీ నవ్వుల జర్నీ మొదలతుంది. వస్తే, కొద్దిగా ముందుగా.. వెళ్ళినా కొద్దిగా వెనకగా.. థియేటర్స్‌కి రావడం మాత్రం పక్కా" అంటూ చిత్ర నిర్మాణ సంస్థ శ్రీ వెంకటేశ్వర క్రియేషన్స్‌ ట్వీట్‌ చేసింది.
'ఎఫ్‌2'లో భార్యాభర్తల మధ్య చోటు చేసుకునే చిన్న చిన్న సంఘటనలను నవ్వించేలా తీర్చిదిద్దారు దర్శకుడు అనిల్ రావిపూడి. ఇప్పుడు డబ్బు వల్ల భార్యభర్తల మధ్య ఎలాంటి గొడవలు, ఇబ్బందులు వస్తాయన్నది 'ఎఫ్‌3'లో చూపించనున్నారు. ఏప్రిల్‌ 28న థియేటర్స్‌లో విడుదల కానుంది.