గతేడాది సంక్రాంతి బరిలో నిలిచి బాక్సాఫీస్ వద్ద వసూళ్ల వర్షం కురిపించింది 'ఎఫ్ 2'. ఈ చిత్రాన్ని వెంకటేష్, వరుణ్ తేజ్‌లతో దర్శకుడు అనిల్ రావిపూడి తెరకెక్కించాడు. కామెడీ ప్రధానంగా రూపొందిన ఈ సినిమా ప్రేక్షకుల్ని నవ్వుల్లో ముంచెత్తింది. ఈ ఎంటర్‌టైన్‌మెంట్‌ను అక్కడితో ఆపకుండా ఇంకా వినోదం పంచాలనుకుంటున్నాడు దర్శకుడు అనిల్. ఇందుకు సీక్వెల్‌గా 'ఎఫ్ 3'ని తెరకెక్కిస్తున్నట్లు ఇప్పటికే ప్రకటించాడు.
'ఎఫ్ 3' సందడి మొదలైంది.. నవ్వుకోవడానికి సిద్ధమా!
విక్టరీ వెంకటేష్, వరుణ్ తేజ్ ప్రధాన పాత్రల్లో అనిల్ రావిపూడి తెరకెక్కించిన చిత్రం 'ఎఫ్ 2'. గతేడాది సంక్రాంతికి విడుదలైన ఈ చిత్రం బాక్సాఫీస్ వద్ద ఘనవిజయాన్ని సొంతం చేసుకుంది. దీంతో 'ఎఫ్ 3'ని త్వరలోనే పట్టాలెక్కించనున్నట్లు ఇప్పటికే ప్రకటించింది చిత్రబృందం. తాజాగా నేడు (ఆదివారం) వెంకీ పుట్టినరోజు సందర్భంగా ఫస్ట్ లుక్ విడుదల చేసింది.
'ఎఫ్ 3' సందడి మొదలైంది.. నవ్వుకోవడానికి సిద్ధమా!
తాజాగా ఈరోజు (ఆదివారం) వెంకీ పుట్టినరోజు సందర్భంగా ఫస్ట్లుక్తో పాటు ఓ వీడియోను విడుదల చేసింది చిత్రబృందం. "సమస్య డబ్బులు అయినప్పుడు మరి ఫన్ పీక్స్లోనే ఉంటుందిగా.. అంతేగా అంతేగా" అంటూ క్యాప్షన్ ఇస్తూ ట్వీట్ చేశాడు అనిల్ రావిపూడి.
'ఫన్, ఫ్రస్టేషన్, మోర్ ఫన్' అనే క్యాప్షన్తో ఈ చిత్రం తెరకెక్కనుంది. దేవీ శ్రీ ప్రసాద్ సంగీతం అందిస్తుండగా తమన్నా, మెహరీన్ హీరోయిన్లుగా నటిస్తున్నారు. త్వరలోనే షూటింగ్ ప్రారంభమవనుంది.