'ఏవో ఏవో కలలే' లిరికల్​ వీడియో.. 'రిపబ్లిక్​' ఫస్ట్​లుక్​

కొత్త సినిమా కబుర్లు వచ్చేశాయి. 'లవ్​స్టోరి' సినిమాలోని 'ఏవో ఏవో కలలే' లిరికల్​ వీడియోను మహేశ్​బాబు విడుదల చేయగా.. సాయితేజ్​ నటిస్తున్న 'రిపబ్లిక్'​ ఫస్ట్​లుక్ రామ్​చరణ్​ రిలీజ్​ చేశారు. దీంతో పాటు విజయ్​ సేతుపతి, నిహారిక కొణిదెల నటించిన 'ఓ మంచిరోజు చూసి చెప్తా' ట్రైలర్​ వచ్చేసింది. ​

నాగచైతన్య, సాయిపల్లవి జంటగా నటిస్తున్న చిత్రం 'లవ్​స్టోరి'. ఏప్రిల్​ 16న ప్రేక్షకుల ముందుకురానుంది. ఈ నేపథ్యంలో సినిమాలోని 'ఏవో ఏవో కలలే' పాటను సూపర్​స్టార్​ మహేశ్​బాబు విడుదల చేశారు.

దేవకట్టా దర్శకత్వంలో సాయి తేజ్​ హీరోగా నటిస్తున్న చిత్రం 'రిపబ్లిక్​'. ఇందులోని సాయితేజ్​ ఫస్ట్​లుక్​ను మెగా పవర్​స్టార్​ రామ్​చరణ్​ విడుదల చేశారు.

'రిపబ్లిక్​'లో సాయితేజ్​ ఫస్ట్​లుక్​

విజయ్​ సేతుపతి, నిహారిక కొణిదెల ప్రధానపాత్రల్లో నటించిన చిత్రం 'ఓ మంచిరోజు చూసి చెప్తా'. అర్ముగ కుమార్​ దర్శకత్వంలో రూపొందిన సినిమా ఏప్రిల్​ 2న ప్రేక్షకుల ముందుకు తీసుకురానున్నారు. ఈ సందర్భంగా ట్రైలర్​ను చిత్రబృందం విడుదల చేసింది.

ఇదీ చూడండి:జబర్దస్త్​: కత్తి తిప్పడం నేర్చుకోండిలా?