"ప్రస్తుతం మనం సాధారణ జీవితంలోకి అడుగుపెట్టబోతున్నాం. దశలవారిగా లాక్డౌన్ పరిమిత సడలింపులతో అనుమతి ఇస్తున్నారు. ఇలాంటి సమయంలో ప్రతి ఒక్కరు జాగ్రత్తగా ముందుకు సాగాలి" అంటున్నారు సినీ నటుడు మహేశ్ బాబు.
"సామాజిక దూరం, పరిశుభ్రతను పాటించాలి. మీరు ఇంటి బయటకు వచ్చిన ప్రతిసారి కచ్చితంగా ముఖానికి మాస్క్ ధరించండి. మనల్ని మనం రక్షించుకోవడానికి భౌతిక దూరం పాటించండి. ఇది మన నిత్య జీవితంలో అలవాటు చేసుకోవాల్సిన అవసరం ఎంతైనా ఉంది. ఈ సమయంలో మనం ఎలా ఉండాలనేది మన చేతుల్లోనే ఉంది. భయాందోళన కలిగించే వార్తలకు దూరంగా ఉంటే మంచిది. నకిలీ వార్తలు మనల్ని తప్పుదోవ పట్టిస్తాయి. త్వరలోనే మనం సాధారణ జీవితాల్లోకి వచ్చేస్తాం. నేను మాస్క్ ధరించాను. మరి మీరు?"