ప్రస్తుతం టాలీవుడ్లో రీమేక్ చిత్రాల హవా నడుస్తోంది. ఈ ఏడాది హిట్టయిన ఎక్కవ శాతం సినిమాలు అరువు తెచ్చుకున్న కథలే కావడం విశేషం. వీటిలో ‘వాల్మీకి’, ‘రాక్షసుడు’, ‘ఎవరు’ లాంటివి ముఖ్యమైనవి. అయితే అన్ని సందర్భాల్లో తమది రీమేక్ చిత్రమని ఒప్పుకోవడానికి చిత్ర దర్శకనిర్మాతలు ఇష్టపడటం లేదు. కల్యాణ్రామ్ నటించిన ఎంతమంచివాడవురా కూడా రీమేకేనట.
గుజరాతీ హిట్‌ చిత్రం ఆక్సిజన్‌కు రీమేక్‌గా ఈ సినిమా తెరకెక్కిస్తున్నారట. కానీ, ఇప్పటి వరకు ఈ విషయాన్ని బయటపడనివ్వలేదు చిత్ర బృందం. మాతృకలోని ఆత్మను మాత్రమే తీసుకోని ఆ కథను తెలుగు నేటివిటీకి తగ్గట్లుగా పూర్తిగా మార్చి రాసుకున్నారట దర్శకుడు సతీష్‌ వేగేశ్న. అందుకే బహిర్గతపరచలేదని సమాచారం.