హైదారాబాద్ వేదికగా జరిగిన 'ఎంత మంచివాడవురా' సినిమా ప్రీ రిలీజ్ వేడుకకు జూ.ఎన్టీఆర్ హాజరయ్యాడు. వేదికపై ట్రైలర్ను ఆవిష్కరించిన యంగ్టైగర్... కల్యాణ్రామ్ చిత్రంపై ఆసక్తికర వ్యాఖ్యలు చేశాడు. అన్నయ్య సినిమాల విషయంలో ఎక్కడో ఉన్న చిన్న వెలితి ఈ సినిమాతో తీరిందని అన్నాడు.
"అన్నయ్య కల్యాణ్రామ్ ఎన్నో వైవిధ్యమైన చిత్రాలు చేశారు. అయినా నాకు ఎక్కడో వెలితి ఉండేది. కుటుంబ కథా చిత్రంలో కల్యాణ్ అన్నను చూడాలనేది నా కల. ఆ కల వేగేశ్న సతీశ్‌ దర్శకత్వంలో నెరవేరుతోంది. కృష్ణప్రసాద్‌గారు నిర్మాత కాదు.. మా కుటుంబ సభ్యుడు. ఆయన సమర్పణలో, ఆదిత్య మ్యూజిక్‌ నిర్మాణంలో సంక్రాంతి సందర్భంగా ఈ చిత్రం మీ ముందుకొస్తోంది. మంచి సినిమాలను ఆదరించే గుణం మీకు ఉంది. ఈ చిత్రానికి కూడా మీ సహాయ సహకారాలు అందిస్తారని అనుకుంటున్నాను. ఈ పండక్కి వస్తున్న సరిలేరు నీకెవ్వరు, అల.. వైకుంఠపురములో.., ఎంత మంచివాడవురా సినిమాలూ మంచి విజయాన్ని అందుకోవాలని కోరుకుంటున్నా. తెలుగు చిత్రసీమ మరింత ముందుకెళ్లాలి".