'బాహుబలి' సిరీస్తో దర్శకుడు రాజమౌళి ప్రతిభ అంతర్జాతీయ స్థాయికి చేరింది. ఈ సినిమాలకు దక్కిన ఆదరణ చూశాక.. జక్కన్న వీటికి సీక్వెల్ తీసుకొస్తాడని భావించారు. అలాంటి ప్రయత్నమైతే చేయలేదు. కానీ 'బాహుబలి'కి ప్రీక్వెల్‌గా ఓ వెబ్‌సిరీస్‌ను ప్లాన్‌ చేశారు చిత్ర నిర్మాతలు. ఇదే తరహాలో 'ఈ నగరానికి ఏమైంది' చిత్రం సీక్వెల్.. వెబ్సిరీస్గా రానుంది.
'ఈ నగరానికి ఏమైంది'కి సీక్వెల్.. కానీ!
'ఈ నగరానికి ఏమైంది' సినిమా సీక్వెల్ను వెబ్సిరీస్గా తెరకెక్కించనున్నారని సమాచారం. చిత్రంలో నటించిన విశ్వక్సేన్ బృందమే ఇందులోనూ కనిపించనున్నారట. త్వరలో ఈ ప్రాజెక్ట్ ప్రారంభం కానుంది.
ఈ నగరానికి ఏమైంది సినిమా పోస్టర్
'పెళ్లిచూపులు' వంటి హిట్‌ తర్వాత కొత్తవాళ్లతో తరుణ్‌ భాస్కర్‌.. 'ఈ నగరానికి ఏమైంది' అనే వైవిధ్యభరిత చిత్రాన్ని తీశాడు. దీనికి కొనసాగింపుగా రాబోతున్న ఈ వెబ్సిరీస్లో.. మాతృకలో కనిపించిన విశ్వక్ సేన్ బృందమే నటించనుందట. అయితే తరుణ్‌ దర్శకత్వం వహించడం లేదు. కథ, మాటలు మాత్రమే అందించబోతున్నాడు. తరుణ్‌ స్నేహితుడు ఆదిత్య దర్శకుడిగా మారనున్నాడు. త్వరలో ఈ ప్రాజెక్టు పట్టాలెక్కనున్నట్లు సమాచారం.
ఇది చదవండి: 'పెళ్లిచూపులు' భామతో శర్వానంద్ రొమాన్స్
Last Updated : Oct 28, 2019, 7:26 PM IST