డబుల్​ రోల్​లో కనిపించనున్న 'ఇస్మార్ట్ శంకర్'​

యువ హీరో రామ్ మొన్నటివరకు బ్యాక్ టూ బ్యాక్ ఫెయిల్యూర్స్​తో సతమతమయ్యాడు. చివరగా 'ఇస్మార్ట్ శంకర్'తో సక్సెస్ అందుకున్నాడు. ఇక నుంచి తనకు సెట్​ అయ్యే కథలను ఎంచుకుని సక్సెస్ అందుకోవాలని ఈ యువ హీరో ప్లాన్ చేసుకుంటున్నాడు. త్వరలోనే కొత్త సినిమాను ప్రారంభించనున్నాడని సమాచారం.

'ఇస్మార్ట్​ శంకర్'​తో మాస్​హిట్​ కొట్టాలన్న లక్ష్యాన్ని చేరుకున్నాడు హీరో రామ్​. ఈ చాక్లెట్​ బాయ్​ తర్వాతి సినిమా ఎలా ఉంటుందా అని టాలీవుడ్​ మొత్తం ఆసక్తిగా ఎదురుచూస్తోంది. అంచనాలకు తగ్గట్టుగానే మరో కొత్త కథ, పాత్రతో ప్రేక్షకుల్ని ఆశ్చర్యంలో ముంచెత్తాలని రామ్​ సన్నద్ధమవుతున్నాడు.

తమిళ హిట్​ 'తడం' రీమేక్​ ఎనర్జిటిక్​ స్టార్​ తదుపరి సినిమా అని సినీ వర్గాల సమాచారం. ఇదే నిజమైతే ఈ సినిమాతో కెరీర్​లో తొలిసారి ద్విపాత్రానభినయంలో కనిపించనున్నాడీ హీరో. రెండు పాత్రలూ పూర్తి భిన్నంగా ఉంటాయని టాక్. రామ్​ అభిమానులు మాత్రం ఈ వార్త విని ఫుల్ ఖుషీ అవుతున్నారు. ఎందుకంటే, ఇప్పటి వరకు రామ్​ డ్యుయల్ రోల్ చేయలేదు.

ఇప్పటికే రామ్​తో 'నేను శైలజ', 'ఉన్నది ఒకటే జిందగీ' సినిమాల్ని అందమైన ప్రేమకథలుగా తెరకెక్కించిన కిషోర్​ తిరుమల ఈ చిత్రానికి దర్శకత్వం వహించనున్నాడు. హీరోయిన్లుగా నివేదా పేతురాజ్​, మాళవిక శర్మ దాదాపు ఖరారయ్యారు. నవంబర్​లో షూటింగ్​ మొదలుపెట్టే అవకాశం ఉంది.

ఇదీ చూడండి : 'మెగాస్టార్​'తో సందీప్​ వంగా.. కథ సిద్ధం..!