హీరో విజయ్ దేవరకొండ తమ్ముడు ఆనంద్ దేవరకొండ హీరోగా పరిచయమవుతున్న సినిమా 'దొరసాని'. హీరో రాజశేఖర్ కుమార్తె శివాత్మిక ఈ సినిమాతో హీరోయిన్గా టాలీవుడ్లోకి ఎంట్రీ ఇస్తోంది. ఫస్ట్లుక్తోనే ఆసక్తి రేపిన చిత్రబృందం నేడు టీజర్ను విడుదల చేసింది. ఆద్యంతం ఆసక్తికరంగా సాగుతూ ఆకట్టుకునేలా ఉంది.
'దేవకి కాదు... మీరు నా దొరసాని'
పూర్తిస్థాయి గ్రామీణ నేపథ్యంతో తెరకెక్కిన 'దొరసాని' సినిమా టీజర్ ఆకట్టుకునేలా ఉంది. ఆనంద్ దేవరకొండ, శివాత్మిక హీరోహీరోయిన్లుగా పరిచయమవుతున్నారు. జులై 5న ప్రేక్షకుల ముందుకు రానుందీ సినిమా.
'దేవకి కాదు... మీరు నా దొరసాని'
1980ల నాటి తెలంగాణలోని ఓ గ్రామంలో సాధారణ యువకుడు రాజు, ఎగువ తరగతి అమ్మాయి దేవకిల మధ్య ప్రేమాయణమే ఈ చిత్ర కథ. పూర్తిస్థాయి గ్రామీణ నేపథ్యంలో సినిమా ఉండనుందని టీజర్ స్పష్టం చేస్తోంది. ఈ సినిమాను నూతన దర్శకుడు కేవీఆర్ మహేంద్ర తెరకెక్కించారు. యశ్.రంగినేని, మధుర శ్రీధర్ నిర్మాతలుగా వ్యవహరించారు. జులై 5న ఈ సినిమా ప్రేక్షకుల ముందుకు రానుంది.
ఇది చదవండి: బాలీవుడ్ ఓ మై బేబీగా శ్రద్ధాకపూర్..!