టాలీవుడ్ రౌడీ హీరో విజయ్ దేవరకొండ తమ్ముడు ఆనంద్ దేవరకొండ కథానాయకుడిగా పరిచయమవుతున్నాడు. ‘దొరసాని’ చిత్రంతో ప్రేక్షకుల్ని పలకరించబోతున్నాడు. ఈ సినిమాతోనే రాజశేఖర్‌ రెండో కూతురు శివాత్మిక అరంగేట్రం చేస్తోంది. నూతన దర్శకుడు కేవీఆర్‌ మహేంద్ర తెరకెక్కిస్తున్నాడు. ఫస్ట్‌లుక్‌ను విడుదల చేసింది చిత్రబృందం.
ఆనంద్ - శివాత్మిక జోడి ఎంతో చూడముచ్చటగా కనిపిస్తోంది. కథానాయిక దొరసానిలా కారులో దర్జాగా వెళ్తుంటే.. ఆమె చూపుల్లో పడాలనే తపనతో సైకిల్‌పై అనుసరిస్తూ ఆనంద్ కనిపిస్తున్న తీరు ఆకట్టుకుంటోంది. 1980ల కాలం నాటి తెలంగాణ బ్యాక్డ్రాప్తో సాగే ఓ సరికొత్త ప్రేమకథగా ఈ సినిమా రూపొందుతోంది.