'దబాంగ్​ 3లో వివాదాస్పద విషయమేమి లేదు'

'దబాంగ్​3'లోని ఓ పాట వివాదాస్పదం కావడంపై హీరో సల్మాన్​ఖాన్ స్పందించాడు. పెద్ద సినిమా ఏదైనా విడుదలకు సిద్ధమవుతుంటే ఇలాంటివి వస్తుంటాయని అన్నాడు.

బాలీవుడ్​ హీరో సల్మాన్​ఖాన్​ నటిస్తున్న సినిమా 'దబాంగ్​3'. ఇందులోని 'హుద్​ హుద్ దబాంగ్' పాట వివాదంలో చిక్కుకుంది. ఇప్పుడీ విషయంపై స్పందించాడు సల్మాన్. ఏదైనా ఓ పెద్ద సినిమా విడుదలకు సిద్ధమవుతుంటే వివాదాలు ఏర్పడుతుంటాయని అన్నాడు.

"ఒక పెద్ద చిత్రం విడుదలకు సిద్ధంగా ఉన్నప్పుడు వివాదాలు వస్తుంటాయి. నటి వారినాతో 'లవ్​యాత్రీ' అనే సినిమాఇంతకు ముందు తీశా. అది వివాదాల్లో చిక్కుకుంది. ఆ కేసును కోర్టులో కొట్టేశారు. కాబట్టి వివాదాలు వస్తూ,పోతుంటాయి. 'దబాంగ్​ 3'లో వ్యతిరేకించేంత ఏం లేదని నా అభిప్రాయం. కాబట్టి ఈ సినిమాపై వివాదాలు సృష్టించవద్దు"

-సల్మాన్​ ఖాన్​, కథానాయకుడు

ఇటీవలే విడుదలైన 'హుద్​ హుద్​ దబాంగ్'​ పాట​లోని ఓ సన్నివేశంలో కాషాయ వస్త్రాలు ధరించిన సాధువులు గిటార్లతో నృత్యం చేస్తున్నట్లు కనిపించారు. ఈ సన్నివేశంపై సోషల్​ మీడియాలో కొంత మంది అభ్యంతరం వ్యక్తం చేశారు. 'దబాంగ్​ 3' సినిమాను బహిష్కరించాలంటూ #BoycottDabangg3 అనే హ్యాష్​ట్యాగ్​తో ట్విట్టర్​ వేదికగా మండిపడ్డారు.

'దబాంగ్ ​3'లో సోనాక్షి సిన్హా, సాయి మంజ్రేకర్ హీరోయిన్లు. ప్రభుదేవా దర్శకత్వం వహించాడు.​ ఈనెల 20న ప్రేక్షకుల ముందుకు రానుంది.

ఇది చదవండి: బాలీవుడ్​ జేజమ్మగా కరీనా కపూర్​..!