ఈ 'దొంగ'కు ఒక్కో కేసులో ఒక్కో పేరు

కార్తీ, జ్యోతిక.. ప్రధాన పాత్రల్లో నటించిన 'దొంగ' సినిమా టీజర్​ శనివారం విడుదలైంది. ఆద్యంతం అలరిస్తూ సినిమాపై అంచనాల్ని పెంచుతోంది.

కోలీవుడ్​ హీరో కార్తీ హీరోగా నటిస్తున్న చిత్రం 'దొంగ'. శుక్రవారం ఫస్ట్​లుక్​ను విడుదల చేసిన చిత్రబృందం... తాజాగా టీజర్​ను ప్రేక్షకుల ముందుకు తెచ్చింది. ఇందులోని ఎమోషనల్​, యాక్షన్ సన్నివేశాలు ఆసక్తిని రేకెత్తిస్తున్నాయి. కార్తీ అక్కగా జ్యోతిక నటించడం విశేషం.

'అతని పేరు ఏమని చెప్పాడు.. విక్కీ, గురు, అర్జున్.. ఒక్కో కేసుకు ఒక్కో పేరు', 'ప్రేమ అన్నింటిని మార్చేస్తుంది సర్వా.. నిన్ను మార్చింది, నన్ను మార్చింది' లాంటి డైలాగ్​లు సినిమాపై అంచనాల్ని పెంచుతున్నాయి.

కీలక పాత్రలో సత్యరాజ్ కనిపించనున్నాడు. 'దృశ్యం' ఫేమ్ జీతూ జోసెఫ్ దర్శకత్వం వహిస్తున్నాడు. వచ్చే నెల 20న ప్రేక్షకుల ముందుకు రానుందీ చిత్రం.

ఇటీవలే 'ఖైదీ' అంటూ వచ్చిన కార్తీ.. రూ.100 కోట్లకు పైగా కలెక్షన్లు సాధించాడు. ప్రస్తుతం థియేటర్లలో విజయవంతంగా ప్రదర్శితమవుతోంది సినిమా.

ఇది చదవండి: 'ఖైదీ'తో తొలిసారి రూ.100 కోట్ల మార్క్!