భూమి పెడ్నేకర్, కొంకణా సేన్ శర్మ ప్రధాన పాత్రల్లో నటించిన బాలీవుడ్ చిత్రం 'డాలీ కిట్టీ ఔర్ వో చమక్తే సితారె'. ఈ సినిమా ప్రకటించినప్పటి నుంచి అభిమానులు ఎంతో ఆసక్తిగా ఎదురుచూస్తున్నారు. ఈ క్రమంలోనే శుక్రవారం ట్రైలర్ని విడుదల చేసింది చిత్రబృందం. సమాజంలో నెలకొన్న నిబంధనలను వ్యతిరేకిస్తూ.. ఆ సంకెళ్లను తెంచుకోవాలని చూసే ఇద్దరు అక్కా చెల్లెల్ల కథతో రూపొందించినట్లు ట్రైలర్ ద్వారా తెలుస్తోంది. ఇందులో కొంకణ.. డాలీ పాత్రలో కనిపించగా, భూమి.. కాజల్(కిట్టి) పాత్రలో అలరించింది.
ట్రైలర్: సామాజిక సంకెళ్లను తెంచుకోవాలని!
బాలీవుడ్ చిత్రం 'డాలీ కిట్టీ ఔర్ వో చమక్తే సితారె' ట్రైలర్ విడుదలైంది. భూమి పెడ్నేకర్, కొంకణా సేన్ శర్మ సినిమాలో కీలక పాత్రలు పోషించారు.
డాలీ కిట్టీ ఔర్ వో చమక్తే సితారె
డాలీ తనకు ఇష్టంలేని వివాహం వలలో చిక్కుకుని.. ఆ తర్వాత ఓ సేల్స్ మాన్తో కలిసి ఆమె జీవితంలో కోల్పోయిన ఆనందాన్ని కనుగొనే ప్రయత్నం చేస్తుంది. మరోవైపు కిట్టి.. నగర జీవితం గురించి కలలు కంటూ.. ఓ కాల్ సెంటర్లో పనిచేస్తున్నట్లు ట్రైలర్లో చూపించారు.
బాలాజీ టెలీ ఫిలింస్ ఈ చిత్రాన్ని నిర్మించింది. అలంక్రిత శ్రీవాత్సవ దర్శకత్వం వహించారు. కుబ్రా సైట్, కరణ్ కుంద్రా, అమోల్ పరాషర్, విక్రాంత్ మాసేలు కీలక పాత్రలు పోషించారు. సెప్టెంబరు 18న నెట్ఫ్లిక్స్లో విడుదల కానుందీ చిత్రం.