బొబ్బిలి రాజా.. విక్టరీ వెంకటేశ్కు కెరీర్లో గుర్తుండిపోయే విజయాన్ని అందించిన సినిమా. తెలుగు పరిశ్రమకు ఓ మరపురాని బాపుబొమ్మను పరిచయం చేసింది. ఆమెనే దివ్య భారతి. అయితే ఈ చిత్రంలో అనుకోకుండా ఆమెకు అవకాశం దక్కింది. అది ఎలా అంటే?
తెరపై వాలిన తార..
'బొబ్బిలి రాజా'తో దివ్య భారతి పరిచయమైందంటే అందుకు కారణం ప్రముఖ రచయిత పరుచూరి గోపాలకృష్ణ. అందం, పొగరు కలగలపిన సినిమాలోని పాత్రకు నటి రాధను తొలుత తీసుకుందామని అనుకున్నారు నిర్మాత రామానాయుడు. ఆ తరహా పాత్రలు రాధ అప్పటికే చాలా చేయడం వల్ల కొత్త హీరోయిన్ అయితే బాగుంటుందని పరుచూరి భావించారట.