ఎన్​కౌంటర్​తో 'దిశ'కు న్యాయం​: సినీ, క్రీడాలోకం

16:00 December 06

ప్రముఖ టేబుల్ టెన్నిస్ క్రీడాకారిణి నైనా జైస్వాల్.. దిశ ఘటనలో నిందితుల ఎన్​కౌంటర్​పై స్పందించింది. తెలంగాణ పోలీస్​కు సెల్యూట్​ చెబుతూ, అభినందనలు చెప్పింది.

12:17 December 06

ఛార్మి
ప్రతి రేపిస్టును ఎన్​కౌంటర్ చేయాలి. మహిళలను తక్కువ చేసి చూసే వారు పోలీసులను చూసి భయపడాలి. ఇలాంటి ఘటనకు పాల్పడే వారికి ముందు పోలీసులు గుర్తు రావాలి. భయం కలగాలి. హ్యాట్సాఫ్​ టూ పోలీసు డిపార్ట్​మెంట్. ఈరోజు మనకు నిజమైన దీపావళి.

11:54 December 06

బాలకృష్ణ
మరోసారి ఇలాంటి ఘటనకు పాల్పడే వారికి ఇది సరైన గుణపాఠంగా నిలవాలి. ముందు ముందు ఇలాంటి చర్యలు జరగకుండా చూడాలి. నిందితులకు విధించిన శిక్ష పట్ల తెలంగాణ ప్రభుత్వానికి, పోలీసులకు అభినందనలు

11:43 December 06

గుత్తా జ్వాల
ఈ ఘటన భవిష్యత్తు రేపిస్టులను ఆపుతుందా..? ముఖ్యమైన ప్రశ్నేంటంటే.. వారు ఎలాంటి స్థాయిలో ఉన్నా ప్రతి రేపిస్టుకి ఇలాంటి శిక్షే పడాలి.

11:37 December 06

మంచు మనోజ్
మహిళల పట్ల అనుచితంగా వ్యవహరించే వారు ఇకపై జాగ్రత్తగా ఉండండి. తల్లులు, అక్క,చెల్లెల్లు జాగ్రత్త వహించండి. పోలీసులకు హ్యాట్సాఫ్

11:34 December 06

పూరి జగన్నాథ్
తెలంగాణ పోలీస్ డిపార్టుమెంటుకి చేతులెత్తి మొక్కుతున్నాను. మీరే నిజమైన హీరోలు .నేను ఎప్పుడూ ఒకటి నమ్ముతుంటా.. మనకి కస్టమొచ్చిన కన్నీళ్లొచ్చినా పోలీసోడే వస్తాడు .  నువ్వే దిక్కు రక్షించాలని దేవుడికి మొక్కినా ఆ దేవుడు కూడా పంపించేది పోలీసోడినే

11:31 December 06

విష్ణు మంచు
శుభవార్తతో నిద్రలేచా. మనం ఎప్పుడైతే రక్షణ కరువైందని అనుకుంటామో అప్పుడు పోలీసులు వారి బాధ్యత నిర్వర్తిస్తారు. పోలీసులకు, ముఖ్యమంత్రి కేసీఆర్, మంత్రి కేటీఆర్​లకు హ్యాట్సాఫ్.

11:28 December 06

సాయిధరమ్ తేజ్
సిస్టర్​ నిన్ను కాపాడుకోలేకపోయాం. కానీ న్యాయం జరిగింది. తెలంగాణ పోలీసులకు ధన్యవాదాలు

11:22 December 06

నిధి అగర్వాల్
సరైన నిర్ణయం తీసుకున్న తెలంగాణ పోలీసులకు సెల్యూట్.

10:52 December 06

ఉత్తేజ్
ఇలాంటి ఘటనకు ఎన్​కౌంటర్ సరైన శిక్షని అన్నాడు ఉత్తేజ్. అబ్బాయిలను పద్ధతిగా పెంచాలని కోరాడు. నిందితులకు సరైన శిక్ష వేసిన పోలీసులకు ధన్యవాదాలు తెలిపాడు

10:23 December 06

రాశీఖన్నా
హైదరాబాద్ పోలీసులకు సెల్యూట్. న్యాయం జరిగిందని భావిస్తున్నా.

10:21 December 06

సైనా నెహ్వాల్
అద్భుతంగా పని చేశారు. పోలీసులకు సెల్యూట్

10:15 December 06

రకుల్ ప్రీత్ సింగ్
ఇలాంటి దారుణాలు చేసి ఎంత దూరం పరుగెత్తగలరు. తెలంగాణ పోలీసులకు ధన్యవాదాలు.

10:12 December 06

నాగార్జున
ఉదయం లేస్తూనే ఈ వార్త విన్నా. న్యాయం జరిగింది

10:03 December 06

విశాల్
చివరికి న్యాయం జరిగింది. తెలంగాణ పోలీసులకు ధన్యవాదాలు

09:57 December 06

నాని
ఊరికి ఒక్కడే రౌడీ ఉండాలి.. వాడు పోలీసోడు అయ్యుండాలి

09:54 December 06

సమంత
తెలంగాణ పోలీసులకు సెల్యూట్. భయానికి సరైన సొల్యూషన్ దొరికింది. అప్పుడప్పుడు ఇదే పరిష్కారం

09:44 December 06

హరీశ్ శంకర్

మా సినిమా టిజర్లు, ట్రైలర్లు ట్రెండింగ్ కాదు. ఈ ఎన్ కౌంటర్ ట్రెండింగ్ అవ్వాలి. ఈ ఎన్ కౌంటర్ ను చాటింపు వేసి చెప్పాలి. తన ప్రొఫైల్ ఫొటో తీసి సజ్జనార్ ఫొటో పెట్టుకున్న హరీశ్ శంకర్

09:41 December 06

అల్లు అర్జున్
న్యాయం జరిగింది

09:39 December 06

నిఖిల్
నిందితులకి ఈ శిక్ష సరైనది. అమాయకురాలైన దిశను తిరిగి తీసుకురాలేం. కానీ మరోసారి ఇలాంటి దారుణానికి పాల్పడకుండా ఉండటానికి ఇలాంటి శిక్షలు కనువిప్పు కలిగిస్తాయి.

09:34 December 06

కల్యాణ్ రామ్
బాధితురాలి కుటుంబం బాధను ఏం చేసినా తీర్చలేం. కానీ ఈ ఎన్​కౌంటర్ కాస్త ఉపశమనం కలిగించవచ్చు. న్యాయం జరిగింది. దిశ ఆత్మకు శాంతి చేకూరాలి.

09:21 December 06

దిశ హత్యకేసులో నలుగురు నిందితులను పోలీసులు ఎన్‌కౌంటర్‌ చేశారు. సీన్ రీకన్‌స్ట్రక్షన్‌ చేస్తుండగా పోలీసులు వద్ద ఆయుధాలు తీసుకుని పారిపోయేందుకు యత్నించిన నిందితులపై కాల్పులు జరిపినట్లు పోలీసు ఉన్నతాధికారులు నిర్ధరించారు. ఆత్మరక్షణ కోసం కాల్పులు జరిపినట్లు పోలీసులు వెల్లడించారు. ఈ విషయంపై సినీ హీరోలు స్పందించారు. 

జూనియర్ ఎన్టీఆర్

దిశ కేసు నిందితుల ఎన్​కౌంటర్​పై స్పందించిన జూనియర్ ఎన్టీఆర్​ న్యాయం జరిగిందని అన్నాడు. బాధితురాలి ఆత్మకు శాంతి చేకూరాలని ప్రార్థించాడు.