విడుదలకు సినిమా సిద్ధం.. అయినా రాని ట్రైలర్

మరో రెండు రోజుల్లో విడుదలవుతున్న 'డిస్కోరాజా' సినిమా ట్రైలర్​ ఇంకా రాకపోవడంపై అభిమానులు అసహనం వ్యక్తం చేస్తున్నారు.

ఫస్ట్​లుక్​తోనే అందరిలోనూ ఆసక్తి పెంచిన చిత్రం 'డిస్కోరాజా'. మాస్ మహారాజా రవితేజ హీరోగా నటించాడు. సైఫై థ్రిల్లర్​గా తెరకెక్కించారు. ఈ శుక్రవారం ప్రేక్షకుల ముందుకు రానుంది. హైదరాబాద్​లో ఆదివారం ప్రీరిలీజ్ ఈవెంట్ చేశారు. అభిమానులు అందరూ ట్రైలర్​ వస్తుందేమో అని అనుకున్నారు. కానీ మేకింగ్ వీడియోతోనే సరిపెట్టింది చిత్రబృందం. విడుదలకు మరో రెండు రోజులే ఉన్నా.. ఇంకా ట్రైలర్​ విడుదల చేయకపోవడమేంటని నెటిజన్లు అభిప్రాయపడుతున్నారు. ఇదేమైనా కొత్త ప్రణాళికలో భాగమా అని ఆలోచిస్తున్నారు.

ఈ సినిమాలో నభా నటేశ్, పాయల్ రాజ్​పుత్, తాన్య హోప్ హీరోయిన్లు. తమన్ సంగీమందించాడు. వి.ఐ ఆనంద్ దర్శకత్వం వహించాడు. రజనీ తాళ్లూరి నిర్మాత.