మాటల మాంత్రికుడు త్రివిక్రమ్ శ్రీనివాస్‌, జూ.ఎన్టీఆర్ కాంబినేషన్లో మరో సినిమా రానుందని ఇదివరకే ప్రకటించారు. చాలా రోజులుగా దానికి సంబంధించి ఎలాంటి సమాచారం లేనందున ఆ చిత్రం ఎప్పుడు మొదలవుతుందా అనే అనుమానాలు వచ్చాయి. ఇప్పుడు వారికోసం శనివారం ఓ సర్‌ప్రైజ్ ఇచ్చింది చిత్రబృందం.
"కొత్త ఏడాది రెండో రోజు.. యంగ్టైగర్ ఎన్టీఆర్, ప్రియమైన దర్శకుడు త్రివిక్రమ్ కలిశారు. 'ఎన్టీఆర్ 30' త్వరలోనే ప్రారంభం కానుంది" అని నిర్మాణ సంస్థ హారికా అండ్ హాసిని క్రియేషన్స్ ట్వీట్ చేసింది.