Sukumar Pushpa movie: 'పుష్ప'తో ప్రేక్షకుల్ని మెస్మరైజ్ చేసిన సుకుమార్.. 'పుష్ప' పార్ట్-2 ప్రీ ప్రొడక్షన్తో బిజీగా ఉన్నారు. 'పుష్ప' పూర్తయిన తర్వాత ఏ హీరోలతో సినిమాలు చేస్తారు? 'పుష్ప' చిత్రానికి అసలు ఆలోచన ఎక్కడి నుంచి వచ్చింది? ఇతరత్రా ఆసక్తికర విషయాల్ని తాజాగా జరిగిన ఇంటర్వ్యూలో సుకుమార్ వెల్లడించారు.
Sukumar vijay devarakonda movie: "పుష్ప' తర్వాత విజయ్ దేవరకొండతో సినిమా చేస్తాను. ఆ తర్వాత రామ్చరణ్తో ఉంటుంది. అయితే ఈ ప్రాజెక్టు ఇంకా చర్చల దశలోనే ఉంది" అనే ఇంట్రస్టింగ్ న్యూస్ సుకుమార్ చెప్పారు. ఇంతకు ముందు చరణ్తో 'రంగస్థలం' లాంటి బ్లాక్బస్టర్ సినిమా తీశారు సుకుమార్.
"ఎర్రచందనం స్మగ్లింగ్ గురించి నేను పరిశోధన చేసినప్పుడు నాకు చాలా విషయాలు తెలిశాయి. దాదాపు లక్ష 80 వేల కోట్ల విలువైన సరుకు చైనా, జపాన్లకు స్మగ్లింగ్ అవుతుంది. అయితే దీని ఆధారంగా ఓ వెబ్ సిరీస్ తీయాలనుకున్నాను. కానీ ఇంతమంచి కథను కమర్షియల్ బ్యాక్డ్రాప్తో సినిమాగా తీస్తే బాగుంటుందని అనిపించింది. అలా 'పుష్ప' మొదలైంది" అని సుక్కు చెప్పారు.
"అయితే మొదట ఒకే సినిమాగా తీయాలనుకున్నాను. కానీ ఒకానొక టైమ్లో దీని రెండు పార్ట్లుగా మార్చాలని నిర్ణయించుకున్నాను. నేను దాదాపు 30 ఏళ్లు పల్లెటూరిలో ఉన్నాను. దాంతో చాలామంది విభిన్నమైన వ్యక్తుల్ని చూశాను. 'రంగస్థలం' తర్వాత అందుకే విలేజ్ బ్యాక్డ్రాప్తో మరో సినిమా తీయాలని భావించాను. అయితే 'రంగస్థలం', 'పుష్ప' సినిమా రెండు పూర్తిగా డిఫరెంట్" అని సుకుమార్ స్పష్టం చేశారు.
సుకుమార్ విజయ్ దేవరకొండ మూవీ ఇవీ చదవండి:
