'సాహో' డిలీటెడ్​ సీన్స్ కోసం సుజీత్​ సొంత డబ్బులు

'సాహో'లోని డిలీటెడ్ సీన్లను సొంత డబ్బులతో గ్రాఫిక్స్ చేయిస్తానని చెప్పారు డైరెక్టర్ సుజీత్. వాటిని త్వరలోనే విడుదల చేస్తానని తెలిపారు.

తాను ఎలాంటి రీమేక్​ సినిమాలు చేయట్లేదని 'సాహో' దర్శకుడు సుజీత్ స్పష్టం చేశారు. ఇన్​స్టాలో ఓ పోస్ట్ పెట్టగా, దాని కింద కామెంట్లలో ఆసక్తికర చర్చ సాగింది. ఇందులో భాగంగా 'సాహో' డిలీట్ సన్నివేశాల విడుదల గురించి పలువురు నెటిజన్లు అడిగారు.

మెగాస్టార్ చిరంజీవి 'లూసిఫర్' రీమేక్​లో నటించనున్నారని, దానికి యువ డైరెక్టర్ సుజీత్​​ అంటూ గత కొంతకాలంగా వార్తలు వచ్చాయి. వీటిపై అటు చిరు, ఇటు సుజీత్ గాని ఏం మాట్లాడలేదు. ఇప్పుడు ఎట్టకేలకు ఈ దర్శకుడు పోస్ట్ పెట్టడం వల్ల ఓ విషయంపై స్పష్టత వచ్చేసింది.

అలానే 'సాహో' డిలీటెడ్​ సీన్స్ విడుదల ఎప్పుడంటూ అభిమానులు అడగ్గా.. లాక్​డౌన్​ వల్ల ఆ కంపెనీ మూసివేశారని, తెరుచుకున్న తర్వాత తన సొంత డబ్బులతో వీఎఫ్​ఎక్స్ చేయించి, విడుదల చేస్తానని సుజీత్​ చెప్పారు.

దర్శకుడు సుజీత్​తో ప్రభాస్