ప్రాణాంతక కరోనా వల్ల కనీసం మనిషిని మనిషి తాకొద్దంటున్నారు. అయితే ఈ వైరస్ ప్రభావం తగ్గిన తర్వాత సినిమాల్లో రొమాంటిక్ సన్నివేశాలు ఎలా తీస్తారోనని సందేహం వ్యక్తం చేశాడు బాలీవుడ్ దర్శకుడు సూజిత్ సర్కార్. ఈ విషయాన్ని ట్విట్టర్ వేదికగా పంచుకున్నాడు. దీనికి నెటిజన్లు, పలు ఫొటోలతో తమ సమాధానాన్ని చెబుతున్నారు.
'కరోనా తగ్గిన తర్వాత ముద్దు సీన్లు ఎలా తీస్తారో?'
ఈ వైరస్ తగ్గుముఖం పట్టిన తర్వాత సినిమాల్లో రొమాంటిక్ సీన్లు ఎలా తీస్తారోనని సందేహపడ్డాడు దర్శకుడు సూజిత్ సర్కార్.
దర్శకుడు సుజీత్ సర్కార్
'ప్రస్తుత పరిస్థితి సద్దుమణిగిన తర్వాత సినిమాల్లో ముద్దు సీన్లు, కౌగిలించుకునే సన్నివేశాలు ఎలా తీస్తారో చూడాలి. అవి తీసేటప్పుడు నటీనటుల మధ్య గ్యాప్ ఉండేలా చూసి, ఆ తర్వాత దగ్గరగా ఉన్నట్లు చూపిస్తారేమో?. అలా మోసం చేసయినా సరే కథలు చెప్పాల్సిందే' -ట్విట్టర్లో సూజిత్ సర్కార్
బాలీవుడ్లో 'విక్కీ డోనర్', 'మదరాస్ కెఫే', 'పీకూ', 'అక్టోబర్' వంటి సినిమాలతో సూజిత్ దర్శకుడిగా గుర్తింపు తెచ్చుకున్నాడు.