'లవ్​స్టోరి' కోసం చైతూ చాలా కష్టపడ్డారు: శేఖర్​కమ్ముల

నాగచైతన్య, సాయిపల్లవి నటిస్తున్న 'లవ్​స్టోరి' టీజర్​ ఆకట్టుకుంటోంది. ఈ సందర్భంగా మాట్లాడిన డైరెక్టర్​ శేఖర్ కమ్ముల.. పలు ఆసక్తికర విషయాల్ని పంచుకున్నారు.

కరోనా వ్యాక్సినేషన్​తో థియేటర్లకు ప్రేక్షకుల రాక మొదలవడం ఆనందంగా ఉందని ప్రముఖ దర్శకుడు శేఖర్ కమ్ముల అన్నారు. తన దర్శకత్వం వహించిన 'లవ్​స్టోరి' చిత్రాన్ని త్వరలో థియేటర్​లో విడుదల చేసేందుకు సన్నాహాలు చేస్తున్నట్లు తెలిపారు. టీజర్​కు ప్రేక్షకుల నుంచి విశేష స్పందన లభిస్తోందని పేర్కొన్నారు.

'లవ్​స్టోరి'లో తెలంగాణ యాసలో నటించేందుకు నాగచైతన్య చాలా కష్టపడ్డారని శేఖర్​ కమ్ముల తెలిపారు. పల్లె నుంచి పట్టణానికి వచ్చి స్థిరపడదామనుకున్న ఓ యువకుడి కథ ఎలాంటి మలుపు తిరిగిందనేది ఈ సినిమా కథగా అని చెప్పారు. ఈ చిత్రం ప్రేక్షకులకు తప్పకుండా నచ్చుతుందని ఆశాభావం వ్యక్తం చేశారు.

ఇది చదవండి:ఆ సీన్లు చేయడం చైతూకు కష్టమే: సమంత