సూపర్​స్టార్ మహేశ్​తో సినిమాపై పరశురామ్ క్లారిటీ

సూపర్​స్టార్ మహేశ్​బాబుతో సినిమా చేయడం గురించి దర్శకుడు పరశురామ్​ మాట్లాడాడు. ఇప్పటికే కథ సిద్ధమైందని అన్నాడు. ప్రస్తుతం నాగచైతన్యతో పనిచేస్తున్నాడీ డైరెక్టర్.

'గీత గోవిందం' సినిమాతో స్టార్ డైరెక్టర్​గా మారిన పరశురామ్.. ప్రస్తుతం నాగచైతన్యతో పనిచేస్తున్నాడు. ఇటీవలే ఈ చిత్రాన్ని అధికారికంగా ప్రకటించారు. ఆ తర్వాత చేయబోయే ప్రాజెక్టు గురించి స్పష్టతనిచ్చాడు ఈ డైరక్టర్.

ప్రసిద్ధ సింహాచలం వరాహనరసింహ స్వామిని.. పరశురామ్ సతీసమేతంగా బుధవారం దర్శించుకున్నాడు. అనంతరం మాట్లాడుతూ, త్వరలో మహేశ్​తో ఓ సినిమా చేయబోతున్నట్లు చెప్పాడు. కథ ఇప్పటికే సిద్ధమైందని అన్నాడు.

'యువత'తో దర్శకుడిగా తన కెరీర్ ప్రారంభించాడు పరశురామ్. ఆంజనేయులు, సోలో, సారొచ్చారు, శ్రీరస్తు శుభమస్తు, గీతగోవిందం చిత్రాలతో గుర్తింపు తెచ్చుకున్నాడు.​

ఇది చదవండి: 'బాహుబలి' నిర్మాతలతో 'కంచరపాలెం' దర్శకుడు సినిమా