దిల్ రాజు నిర్మాణంలో విజయ్ దేవరకొండ

శివ నిర్వాణ దర్శకత్వంలో విజయ్​ దేవరకొండ హీరోగా కొత్త చిత్రం రాబోతోంది. ఈ సినిమాకు దిల్​ రాజు నిర్మాతగా వ్యవహరించనున్నాడు. దిల్​ రాజు పుట్టిన రోజు సందర్భంగా శ్రీ వెంకటేశ్వర క్రియేషన్స్​ అధికారికంగా ఈ విషయాన్ని ప్రకటించింది.

'పెళ్లి చూపులు' సినిమాతో ప్రేక్షకులను ఆకట్టుకొని.. అర్జున్​ రెడ్డితో వెండితెరపై తనదైన ముద్రవేసిన కథానాయకుడు విజయ్​ దేవరకొండ. తాజాగా విజయ్​ నటించనున్న 12వ చిత్రం ఖరారైంది. 'నిన్నుకోరి', 'మజిలీ' చిత్రాల దర్శకుడు శివ నిర్వాణ దర్శకత్వంలో తదుపరి చిత్రానికి పచ్చజెండా ఊపేశాడు. ఈ సినిమాకు దిల్ ​రాజు నిర్మాతగా వ్యవహరించనున్నాడు. దిల్​ రాజు పుట్టిన రోజు సందర్భంగా శ్రీవెంకటేశ్వర క్రియేషన్స్ ఈ విషయాన్ని​ అధికారికంగా ప్రకటించింది.

ఈ పోస్ట్​పై విజయ్​ స్పందిస్తూ బ్లాక్​ బాస్టర్​ లోడింగ్​ అవుతుందంటూ దిల్​రాజుకు పుట్టినరోజు శుభాకాంక్షలు తెలియజేశాడు. ఈ సినిమా 2020లో ప్రేక్షకుల ముందుకు రానుంది.

ప్రస్తుతం ఈ రౌడీ హీరో 'వరల్డ్ ఫేమస్ లవర్' చిత్రంలో నటిస్తున్నాడు. క్రాంతి మాధవ్‌ దర్శకత్వం వహిస్తున్నాడు. ఈ మూవీలో దేవరకొండ నాలుగు పాత్రల్లో కనిపించనున్నాడు. జనవరి 3న టీజర్ విడుదల కానుంది. అన్ని కార్యక్రమాలు పూర్తి చేసుకుని లవర్స్ డే కానుకగా ఫిబ్రవరి 14 ఈ చిత్రం ప్రేక్షకుల ముందుకు రానుంది.

ఇవీ చూడండి.. 'వెంకీమామ' దర్శకుడి చూపు బన్నీ వైపు