'ధృవ 2'లో రామ్​చరణ్ నటిస్తారా?

ధృవ సినిమా మాతృకకు సీక్వెల్​ను ప్రస్తుతం తీస్తున్నారు. అయితే తెలుగులో దీనిని మళ్లీ రీమేక్ చేస్తారా? ఒకవేళ చేస్తే అందులో రామ్​చరణ్ నటిస్తారా? అని టాలీవుడ్ వర్గాలు చర్చించుకుంటున్నాయి.

'ధృవ' చిత్రాన్ని కథానాయకుడు రామ్‌చరణ్‌ కెరీర్‌లో ప్రత్యేకమైన యాక్షన్‌ థ్రిల్లర్‌గా పేర్కొనవచ్చు. తమిళ మాతృక 'తని ఒరువన్‌'కు రీమేక్‌గా తీసినా ఈ చిత్రం.. తెలుగులోనూ ప్రేక్షకాదరణ పొందింది. తమిళంలో జయం రవి నటించగా, అతని సోదరుడు మోహన్‌ రాజ్‌ దర్శకత్వం వహించారు. ఇప్పుడు సోదరులిద్దరూ 'తని ఒరువన్‌-2' కోసం రంగంలోకి దిగనున్నారు. ఫిబ్రవరి షూటింగ్‌ జరగనుందని కోలీవుడ్‌ వర్గాలు చెబుతున్నాయి.

ప్రస్తుతం జయంరవి.. మణిరత్నం 'పొన్నియన్‌ సెల్వన్‌'లో నటిస్తున్నారు. తనకు సంబంధించిన షూటింగ్‌ మొత్తం జనవరిలోపు పూర్తి చేసుకొని, వచ్చే ఏడాది ఫిబ్రవరి నుంచి 'తని ఒరువన్‌-2' కోసం రంగంలోకి దిగనున్నారు. తెలుగులోనూ మంచి ఆదరణ పొందిన ఈ కథకు సీక్వెల్‌గా 'ధృవ-2' తీస్తారా? తీస్తే అందులో రామ్‌చరణ్‌ నటిస్తారా? అని టాలీవుడ్‌లో చర్చ నడుస్తోంది.

'ధృవ' సినిమాలో రామ్​చరణ్