దిమాక్ ఖరాబ్.. మాస్ ప్రేక్షకులకు పూనకాలే

'ఇస్మార్ట్ శంకర్' నుంచి దిమాక్ ఖరాబ్ పాట లిరికల్ వీడియో విడుదలైంది. మాస్ ప్రేక్షకుల్ని అలరించేలా ఉంది.

రామ్, నిధి అగర్వాల్ హీరోహీరోయిన్లుగా పూరి జగన్నాథ్ దర్శకత్వంలో తెరకెక్కుతోన్న చిత్రం 'ఇస్మార్ట్ శంకర్'. ఇప్పటికే చిత్రీకరణ తుదిదశకు చేరుకుంది. తాజాగా ఈ సినిమా నుంచి దిమాక్ ఖరాబ్ అనే పాట లిరికల్ వీడియో విడుదల చేసింది చిత్రబృందం.

'సిలక సిలక సిలక ఇది సితరాంగి సిలక .. పిలగా పిలగా పిలగా పెట్టిపోరా సురక .. " అంటూ ఈ పాట మొదలవుతోంది. తెలంగాణ యాసతో పాటను కాసర్ల శ్యాం ఆకట్టుకునేలా రాశాడు. మాస్ ఆడియన్స్​ను అలరించేలా ఉంది పాట. మణిశర్మ సంగీతం అందించాడు.