కోలీవుడ్ కథానాయకుడు ధనుష్కు మరోసారి హాలీవుడ్ చిత్రంలో నటించే అవకాశం వచ్చింది. ర్యాన్ గాస్లింగ్, క్రిస్ ఇవాన్స్ ప్రధానపాత్రల్లో నటిస్తున్న 'ది గ్రే మ్యాన్' అనే సినిమాలో పాత్ర కోసం ధనుష్ను ఎంపికచేసింది చిత్రబృందం.
నెట్ఫ్లిక్స్ కోసం రూపొందుతోన్న ఈ చిత్రానికి 'అవెంజర్స్:ఎండ్గేమ్' ఫేమ్ ఆంటోనీ రూసో, జో రూసో సంయుక్తంగా దర్శకత్వం వహిస్తున్నారు. మార్క్ గ్రీనీ రచించిన నవల ఆధారంగా ఈ చిత్రాన్ని తెరకెక్కించనున్నారు.
'నార్కోస్' నటుడు వాగ్నెర్ మౌరా, 'వన్స్ అపాన్ ఏ టైమ్ ఇన్ హాలీవుడ్'లోని బాలనటుడు జూలియా బటర్స్, 'గేమ్ ఆఫ్ థ్రోన్స్' నటి అలుమ్ జెస్సికా హెన్విక్లతో పాటు ధనుష్ ఈ చిత్రంలో కీలకపాత్రలు పోషిస్తున్నట్లు వెల్లడించారు.
కెన్ స్కాట్ దర్శకత్వంలో రూపొందిన 'ది ఎక్స్ట్రార్డినరీ జర్నీ ఆఫ్ ది ఫకీర్' అనే చిత్రం ద్వారా ధనుష్ హాలీవుడ్లో అరంగేట్రం చేశాడు. 2018లో ప్రేక్షకుల ముందుకొచ్చిన ఈ చిత్రానికి మిశ్రమ స్పందన లభించింది. ధనుష్.. ప్రస్తుతం 'అంత్రాగిరే' చిత్రంలో నటిస్తున్నారు. ఇందులో ధనుష్తో పాటు అక్షయ్ కుమార్, సారా అలీఖాన్ ప్రధానపాత్రలు పోషిస్తున్నారు.
