'రక్తం రుచి మరిగిన కిల్లర్​లా మారిన క్వీన్​'

కంగనా రనౌత్ ప్రధాన పాత్రలో నటించిన 'ధాకద్'​ టీజర్​ ఆకట్టుకునేలా ఉంది. పూర్తి స్థాయి యాక్షన్ కథాంశంతో తెరకెక్కుతోందీ చిత్రం.

బాలీవుడ్​ ఫైర్​బ్రాండ్​ కంగనా రనౌత్... కథానాయిక ప్రాధాన్యమున్న చిత్రాలు చేస్తూ దూసుకుపోతోంది. ఇటీవలే 'జడ్జిమెంటల్ హై క్యా' చిత్రంతో ప్రేక్షకుల్ని పలకరించింది. అంతకుముందు 'మణికర్ణిక'గా కత్తి పట్టిన ఈ భామ.. ఇప్పుడు 'ధాకద్​'లో పూర్తి స్థాయి యాక్షన్ పాత్రలో కనిపించనుంది. శుక్రవారం విడుదలైన టీజర్​ నెటిజన్లను ఆకట్టుకుంటోంది.

ఇందులో ఎమ్ 4 కార్బైన్​ గన్​తో శత్రువుల గుండెల్లో బుల్లెట్ల వర్షం కురిపించి, ముఖంపై చిందిన రక్తాన్ని నాలుకతో రుచి చూస్తున్న కంగన.. అభిమానులకు గూస్ బంప్స్ తెప్పించింది. సినిమాపై అంచనాల్ని పెంచేస్తోంది.

ఈ చిత్రం కోసం హాలీవుడ్​ స్టంట్​ మాస్టర్స్​తో సన్నివేశాల్ని చిత్రీకరించేందుకు నిర్మాతలు ప్లాన్​ చేస్తున్నారు. రజనీష్ ఘాయ్ దర్శకత్వం వహిస్తున్నాడు. వచ్చే ఏడాది దీపావళికి ప్రేక్షకుల ముందుకు రానుంది.

ధాకద్ సినిమాలోని కంగనా లుక్

ఇది చదవండి: 'పోకిరి'లో కంగనాను ఊహించగలమా!