మరో వివాదంలో నటి నూస్రత్ జహాన్!

ఎంపీ, బాలీవుడ్​ నటి నూస్రత్ జహాన్​ మరోసారి వివాదానికి కేంద్ర బిందువయ్యారు. దుర్గాదేవి అవతారంతో ఓ వీడియో ఇన్​స్టా​లో పోస్ట్​ చేయగా, చంపేస్తామంటూ పలు బెదిరింపులు వచ్చినట్లు ఆమె వెల్లడించారు.

తృణముల్​ కాంగ్రెస్​ ఎంపీ, నటి నూస్రత్ జహాన్​ దుర్గాదేవి అవతారంతో ఇస్టాలో ఓ వీడియో పోస్ట్ చేశారు. దీనిపై ఉత్తర్​ప్రదేశ్​కు చెందిన పలు ఇస్లామిక్​ సంస్థలు ఆగ్రహం వ్యక్తం చేశాయి. మత సిద్ధాంతాలకు విరుద్ధంగా నూస్రత్​ ప్రవర్తిస్తోందని.. భగవంతుడికి క్షమాపణలు చెప్పాలని డిమాండ్​ చేశాయి. ఆమె చేస్తున్న పనులు తమ మతంలో నిషేధమని పేర్కొన్నాయి. ఎప్పుడూ వివాదాల్లో నిలవడమే నూస్రత్​కు ఇష్టమని.. పలువురు ఇస్లామిక్​ గురువులు ఆరోపించారు.

దుర్గాదేవి అవతారంలో పోస్ట్ చేయగా.. తనను చంపేస్తామని బెదిరింపులు వచ్చాయని నూస్రత్​ పేర్కొన్నారు. తనకు అదనపు భద్రత కల్పించాలని భారత హైకమీషన్​ను కోరారు. విదేశాంగ శాఖతో పాటు బంగాల్​ ప్రభుత్వానికీ తన పరిస్థితిని తెలియజేశారు. ప్రస్తుతం ఓ సినిమా షూటింగ్​ కోసం ఈమె లండన్​లో ఉన్నారు.

నూస్రత్​ వివాదాల్లో చిక్కుకోవడం ఇదే తొలిసారి కాదు. గతంలో ఆమె సింధూరం ధరించి, దుర్గా పూజ ఉత్సవాల్లో పాల్గొన్నందుకు ఆరోపణలు ఎదుర్కొన్నారు.