బాలీవుడ్ హీరోయిన్ దీపిక పదుకొణె భావోద్వేగానికి గురై, ఏడ్చేసింది. ఈ సంఘటన 'ఛపాక్' ట్రైలర్ లాంచ్ ఈవెంట్లో జరిగింది. మంగళవారం ఈ కార్యక్రమంలో పాల్గొన్న ఈ భామ.. ఇందులో తన పాత్ర గురించి చెప్పేందుకు మాటలు రావట్లేదంది. తన సినీ కెరీర్లో ఇది చాలా ప్రత్యేకమైన ప్రాజెక్టు అని చెప్పింది.
"ట్రైలర్ చూపించిన తర్వాత మేం వేదికపైకి వస్తామని మాత్రమే అనుకున్నా. కానీ మాట్లాడవలసి ఉంటుందని అనుకోలేదు. ట్రైలర్ చూసినప్పుడల్లా, నేను ... దీని గురించి తరువాత మాట్లాడుతా. నన్ను క్షమించండి" అంటూ దీపిక భావోద్వేగానికి గురైంది.
దీపిక పక్కనే ఉన్న దర్శకురాలు మేఘనా గుల్జార్.. "దీపిక.. 'ఛపాక్' పూర్తి ట్రైలర్ ఇప్పటి వరకు చూడలేదు. అందుకే ఇలా ఏడ్చేసింది. ఈ కథతో ఆమెకు ఎమోషనల్గా బంధం ఏర్పడింది" అని చెప్పింది.