టాలీవుడ్ అగ్రహీరో విక్టరీ వెంకటేశ్.. యువ కథానాయకుడు నాగచైతన్యతో 'వెంకీమామ'లో కలిసి నటిస్తున్నాడు. ప్రస్తుతం షూటింగ్ జరుపుకుంటోందీ చిత్రం. ఇప్పటికే విడుదలైన ఫొటోలు, వీడియోలు ఆసక్తి రేపుతున్నాయి. అయితే దీపావళి సందర్భంగా ఇద్దరి హీరోలు కలిసున్న కొత్త లుక్ విడుదలైంది.
'వెంకీమామ' దీపావళి కానుక అదిరింది..!
దీపావళి సందర్భంగా 'వెంకీమామ' కొత్త పోస్టర్ను విడుదల చేశారు. ఈ సినిమాలో రైస్ మిల్ యజమానిగా వెంకటేశ్, ఆర్మీ అధికారిగా నాగచైతన్య కనిపించనున్నారు.
నాగచైతన్య-వెంకటేశ్
ఇందులో ఓవైపు వెంకీ ఉండగా, మరోవైపు ఆర్మీ దుస్తుల్లో ఉన్నాడు అక్కినేని హీరో. హీరోయిన్లుగా పాయల్ రాజ్పుత్, రాశీఖన్నా నటిస్తున్నారు. తమన్ సంగీతమందిస్తున్నాడు. కె.ఎస్.రవీందర్ దర్శకత్వం వహిస్తున్నాడు. సురేశ్ ప్రొడక్షన్స్, పీపుల్ మీడియా ఫ్యాక్టరీ పతాకంపై.. సురేశ్బాబు-విశ్వప్రసాద్ సంయుక్తంగా నిర్మిస్తున్నారు. డిసెంబరులో ప్రేక్షకుల ముందుకు రానుందీ చిత్రం.
ఇది చదవండి: జాతరలో వెంకీమామ యాక్షన్ పాఠాలు...!