లిరికల్: మహేశ్​-తమన్నా.. డాంగ్ డాంగ్

'సరిలేరు నీకెవ్వరు'లో 'డాంగ్ డాంగ్' అంటూ సాగే లిరికల్ గీతం విడుదలైంది. మాస్​ బీట్​తో ఉన్న ఈ పాట ఆకట్టుకుంటోంది.

సూపర్​స్టార్ మహేశ్​బాబు 'సరిలేరు నీకెవ్వరు'లోని చివరి లిరికల్ ప్రేక్షకుల ముందుకొచ్చింది. 'డాంగ్ డాంగ్' అంటూ సాగే ఈ పాటను, చిత్రబృందం అభిమానులతో సోమవారం పంచుకుంది. ఇప్పటికే విడుదలైన దీని ప్రోమో అలరిస్తోంది. ఈ పాటలో మహేశ్​-తమన్నా మాస్​ బీట్​కు స్టెప్పులేసి ఆకట్టుకుంటున్నారు.

ఇందులో మహేశ్.. మేజర్ అజయ్ కృష్ణగా కనిపించనున్నాడు. రష్మిక హీరోయిన్. విజయశాంతి, ప్రకాశ్​రాజ్, సంగీత, రాజేంద్రప్రసాద్ తదితరులు కీలక పాత్రలు పోషిస్తున్నారు. దేవి శ్రీ ప్రసాద్ సంగీతమందించాడు. అనిల్ రావిపూడి దర్శకత్వం వహించాడు. మహేశ్​బాబు-దిల్​రాజు-అనిల్ సుంకర సంయుక్తంగా నిర్మించారు. వచ్చే సంక్రాంతి కానుకగా జనవరి 11న థియేటర్లలోకి రానుందీ చిత్రం.