ప్రముఖ నటుడు సోనూసూద్కు మరో అరుదైన గౌరవం లభించింది. ఆఫ్రికాలో అత్యంత ఎత్తయిన పర్వతం కిలిమంజారో అధిరోహించిన పరత్వారోహకుడు ఉమా సింగ్.. తన విజయాన్ని సోనూకు అంకితమిస్తున్నట్లు చెప్పారు. అందుకు సంబంధించిన వీడియోను పోస్ట్ చేయగా, సోనూసూద్ దానిని తన ఖాతాలో తిరిగి ట్వీట్ చేశారు.
యూపీ వాసి..
ఉత్తరప్రదేశ్ గోరఖపుర్కు చెందిన పర్వతారోహకుడు, సైక్లిస్ట్ ఉమాసింగ్.. భారత స్వాతంత్య్ర దినోత్సవం సందర్భంగా కిలిమంజారో శిఖరం తొలి బేస్ పాయింట్ వరకు ఎక్కారు. అక్కడే నిలబడి సోనూసూద్ పోస్టర్ను చూపించారు. క్లిష్ట పరిస్థితుల్లో దేశం కోసం నిలబడ్డ సోనూసూద్కు తన విజయాన్ని అంకితమిస్తున్నట్లు ఉమ తెలిపారు.
గతేడాది లాక్డౌన్ మొదలైనప్పటి నుంచి ఎంతోమందికి అండగా నిలిచారు సోనూసూద్. ఇప్పటికీ ఎవరో ఒకరికి సాయం చేస్తూ, 'రియల్ హీరో' అనిపించుకుంటున్నారు. ప్రస్తుతం సోనూ.. తెలుగు, హిందీ సినిమాల్లో నటిస్తూ బిజీగా ఉన్నారు.
ఇవీ చదవండి: