బాలీవుడ్ నటి భూమి పెడ్నేకర్ జన్మదినం నేడు. ఈ సందర్భంగా సామాజిక మాధ్యమాల వేదికగా అభిమానులు, శ్రేయోభిలాషుల నుంచి శుభాకాంక్షలు వెల్లువెత్తాయి. అయితే, తన పుట్టినరోజుకు అసలైన బహుమతి కరోనాకు వ్యాక్సిన్ కనుగొనడమే అని అంటోందీ ముద్దుగుమ్మ.
"ఈ ఏడాది నా పుట్టిన రోజు బహుమతి ఏంటంటే.. వైరస్ ప్రభావం పడిన ప్రజలు.. ప్రస్తుత పరిస్థితుల నుంచి బాధపడుతున్న వారందరికీ విముక్తి కలగాలి. అందరూ ఆనందంగా ఉండాలి. అలా జరగాలంటే కరోనాకు వ్యాక్సిన్ కనుగొనాలి."
-భూమి పెడ్నేకర్, సినీ నటి
తన పుట్టినరోజు ప్రణాళికలను వివరిస్తూ.. "నేను ఎవరినీ కలవను. ఇంట్లో నా కుటుంబంతో కలిసి ఉంటా. ఎటువంటి స్పెషల్ ప్రోగ్రామ్లు లేవు. ఈ ఏడాది వేడుకలు చాలా భిన్నంగా ఉండనున్నాయి." అంటూ చెప్పుకొచ్చిందీ అమ్మడు.
లాక్డౌన్ ప్రభావం గురించి స్పందించిన భూమి.. ప్రస్తుతం కుటుంబంతో కలిసి గడపడం ఎంతో ఆనందంగా ఉందని తెలిపింది. సినిమా షూటింగ్స్ లేకపోవడం ఓ వైపు బాధగా ఉన్నప్పటికీ.. నెమ్మదిగా వైరస్తో నెలకొన్న పరిస్థితుల నుంచి కోలుకుంటామని ఆశిస్తున్నట్లు పేర్కొంది.
ఇదీ చూడండి:'ఆరోపణలు నిజం కాకపోతే పద్మ శ్రీ తిరిగిచ్చేస్తా'
