విరాళాల కోసం వర్చువల్​ డేటింగ్​కు సిద్ధమైన హీరో

కరోనా ప్రభావంతో ఇబ్బందులు పడుతున్న రోజువారి కార్మికులను ఆదుకునేందుకు సిద్ధమయ్యాడు హీరో అర్జున్ కపూర్. తన వంతు ప్రయత్నంలో భాగంగా, వారికి సాయం చేయనున్నట్లు చెప్పాడు.

కరోనా వల్ల భారత్​లో గత కొన్నిరోజుల నుంచి లాక్​డౌన్​ విధించారు. ఈ ప్రభావంతో రోజువారి కార్మికులు తీవ్ర ఇబ్బందులు ఎదుర్కొంటున్నారు. వారిని ఆదుకునేందుకు ఇప్పటికే కొందరు సెలబ్రిటీలు పలు రకాలుగా సాయం చేస్తున్నారు. బాలీవుడ్ హీరో అర్జున్ కపూర్ మాత్రం వినూత్న ప్రయత్నం చేసేందుకు సిద్ధమయ్యాడు. ఓ రెండు సేవాసంస్థలతో కలిసి విరాళాలు సేకరించనున్నాడు.

ఇందులో భాగంగా గివ్ ఇండియా అనే సంస్థ.. సుమారు 60 వేల మంది కార్మికులను గుర్తించింది. ఆదాయం లేక ఇబ్బందులు ఎదుర్కొంటున్న వారిని, మనమందరం కలిసి ఆదుకుందామని కథానాయకుడు అర్జున్ అన్నాడు.

tofankind.orgవెబ్​సైట్​లోకి లాగిన్ అయి ఎవరైనా సరే తమకు తోచినంత విరాళం ఇవ్వొచ్చని చెప్పాడు అర్జున్. ఇలా ఇచ్చిన వారిలో ఓ ఐదుగురు లక్కీ విన్నర్స్​ను ఎంపిక చేసి, ఈనెల 11న వారితో వర్చువల్ డేటింగ్​కు వెళతానని అన్నాడు. ఆ సమయంలో వారు చెప్పినవి వింటూ, వారితో మాట్లాడుతూ, కలిసి భోజనం చేస్తానని పేర్కొన్నాడు.