మరో సినిమాకు పవన్ కల్యాణ్​ గ్రీన్​సిగ్నల్!

ఇప్పటికే మూడు చిత్రాలు ఒప్పుకున్న, రెండింటిలో నటిస్తున్న పవర్​స్టార్.. మరో సినిమాను ఒప్పుకున్నట్లు తెలుస్తోంది. ఈ విషయమై ఆయన పుట్టినరోజు శుభాకాంక్షలు చెబుతూ ఎస్​ఆర్​టీ ఎంటర్​టైన్​మెంట్స్ ట్వీట్ చేసింది.

వరుస సినిమాలతో బిజీగా ఉన్న పవర్​స్టార్ పవన్​కల్యాణ్ మరో సినిమాకు అంగీకారం తెలిపినట్లు తెలుస్తోంది. ఆయన పుట్టినరోజు సందర్భంగా దర్శకుడు సురేందర్​ రెడ్డి, నిర్మాత రామ్ తాళ్లూరి శుభాకాంక్షలు చెప్పారు. ఈ విషయాన్ని ఎస్​ఆర్​టీ ఎంటర్​టైన్​మెంట్స్ మూవీస్ ట్వీట్ చేసింది. వీరి కాంబినేషన్​లో సినిమా విషయమై మాత్రం ప్రకటన రాలేదు.

ప్రస్తుతం 'వకీల్​సాబ్' చేస్తున్న పవన్​.. చారిత్రక కథతో దర్శకుడు క్రిష్ తీస్తున్న సినిమాలో నటిస్తున్నారు. 'గబ్బర్ సింగ్' డైరెక్టర్ హరీశ్ శంకర్​తోనూ మరోసారి కలిసి పనిచేయనున్నారు. ఈ మూడు పూర్తయిన తర్వాతే సురేందర్ రెడ్డి ప్రాజెక్టు షూటింగ్ మొదలయ్యే అవకాశముంది.