తమిళ బ్లాక్బస్టర్ 'విక్రమ్ వేదా' హిందీ రీమేక్కు ఎట్టకేలకు ప్రధాన పాత్రధారులు ఖరారయ్యారు. బాలీవుడ్ స్టార్లు హృతిక్ రోషన్, సైఫ్ అలీఖాన్ కాంబినేషన్లో ఈ చిత్రం త్వరలోనే పట్టాలెక్కనుంది. ఈ విషయాన్ని ప్రముఖ సినీ విశ్లేషకుడు తరణ్ ఆదర్శ్ ట్విట్టర్ వేదికగా శనివారం వెల్లడించారు.
తమిళంలో 'విక్రమ్ వేదా'ను తెరకెక్కించిన దర్శక ద్వయం పుష్కర్-గాయత్రిలే ఈ రీమేక్నూ డైరెక్ట్ చేయనున్నారు. సినిమాను వచ్చే ఏడాది సెప్టెంబరు 30న రిలీజ్ చేయడానికి సన్నాహాలు చేస్తున్నారు.