సిక్స్ప్యాక్తో సందీప్
టాలీవుడ్ యువ నటుడు సందీప్ కిషన్ హీరోగా హాకీ క్రీడా నేపథ్యంలో తెరకెక్కుతోన్న చిత్రం 'ఏ1 ఎక్స్ప్రెస్'. లావణ్య త్రిపాఠి హీరోయిన్గా నటిస్తోన్న ఈ చిత్రానికి డెన్నిస్ జీవన్ దర్శకత్వం వహిస్తున్నారు. తాజాగా ఈ సినిమా ఫస్ట్లుక్ను విడుదల చేసింది చిత్రబృందం. సిక్స్ప్యాక్తో హాకీ ప్లేయర్గా సందీప్ ఆకట్టుకుంటున్నారు.
అలరిస్తోన్న కోబ్రా
చియాన్ విక్రమ్ హీరోగా రూపొందుతోన్న చిత్రం 'కోబ్రా'. ఈ సినిమాలో విక్రమ్ దాదాపు 25 పాత్రల్లో కనిపించనున్నారని సమాచారం. మాజీ క్రికెటర్ ఇర్ఫాన్ పఠాన్తో పాటు టాలీవుడ్ నటుడు సత్యదేవ్ ఇందులో కీలకపాత్రలు పోషిస్తున్నారు. ఇటీవలే విడుదల చేసిన ఫస్ట్లుక్ ఆకట్టుకోగా.. తాజాగా టీజర్ను ప్రేక్షకుల ముందుకు తీసుకొచ్చింది చిత్రబృందం. ఈ చిత్రానికి అజయ్ జ్ఞానముత్తు దర్శకత్వం వహిస్తున్నారు. ఎస్.ఎస్. లలిత్ కుమార్ నిర్మిస్తున్నారు.
వేసవికి టక్ జగదీష్
వేసవిలో వినోదాలు పంచేందుకు తన 'టక్ జగదీష్' చిత్రాన్ని ముస్తాబు చేస్తున్నారు నేచురల్ స్టార్ నాని. ఆయన కథానాయకుడిగా, శివ నిర్వాణ దర్శకత్వంలో తెరకెక్కుతున్న సినిమా ఇది. రీతూవర్మ, ఐశ్వర్యా రాజేష్ కథానాయికలు. సాహు గరపాటి, హరీష్ పెద్ది సంయుక్తంగా నిర్మిస్తున్నారు. చిత్రీకరణ తుది దశకు చేరుకుంది. తాజాగా ఈ సినిమా విడుదల తేదీని ప్రకటించింది చిత్రబృందం. ఏప్రిల్ 16న ప్రేక్షకుల ముందుకు తీసుకొస్తున్నట్లు వెల్లడించింది.