Clap trailer news: 'పరిగెత్తు.. ఇంకా వేగంగా పట్టుదలతో పరిగెత్తు. తప్పకుండా గెలుస్తావు. ఒక్క విషయం గుర్తు పెట్టుకో నువ్వు పోటీ చేసేది మనుషులతో కాదు.. టైమ్‌తో' అంటున్నారు యువ కథానాయకుడు ఆది. ఆయన కీలక పాత్రలో పృథ్వీ ఆదిత్య దర్శకత్వంలో తెరకెక్కిన చిత్రం 'క్లాప్'. ఆకాంక్ష సింగ్‌ కథానాయిక. అన్ని కార్యక్రమాలు పూర్తి చేసుకున్న ఈ సినిమా నేరుగా ఓటీటీ వేదికగా విడుదలయ్యేందుకు సిద్ధమైంది.
ప్రముఖ ఓటీటీ సోనీలివ్‌ వేదికగా మార్చి 11వ తేదీ నుంచి స్ట్రీమింగ్‌ కానున్నట్లు చిత్ర బృందం ప్రకటించింది. ఈ మేరకు ట్రైలర్ విడుదల చేసింది. అథ్లెట్‌ అయిన ఆది కాలు ఎలా పోగొట్టుకున్నాడు? ఆ తర్వాత అతడి జీవితం ఎలా మారింది. భాగ్యలక్ష్మి అనే యువతిని అథ్లెట్‌ను చేయడానికి అతడు పడిన కష్టం ఏంటి? చివరకు ఆమెను అద్భుతమైన అథ్లెట్‌గా తీర్చిదిద్దాడా? తెలియాలంటే సినిమా చూడాల్సిందే! ఈ సినిమాకు ఇళయరాజా స్వరాలు సమకూరుస్తున్నారు.
డీజే టిల్లు రికార్డు..
DJ Tillu ott record: సిద్ధు జొన్నలగడ్డ కథానాయకుడిగా సితార ఎంటర్‌టైన్‌మెంట్స్‌ పతాకంపై తెరకెక్కిన చిత్రం 'డిజె టిల్లు'. నేహాశెట్టి నాయిక. విమల్‌కృష్ణ దర్శకత్వం వహిస్తున్నారు. సూర్యదేవర నాగవంశీ నిర్మాత. యూత్‌ఫుల్‌ ఎంటర్‌టైనర్‌గా తెరకెక్కిన ఈ సినిమా ఫిబ్రవరి 12న ప్రేక్షకుల ముందుకు వచ్చింది. మొదటి ఆటనుంచే సినిమా పాజిటివ్ టాక్ తెచ్చుకుని బాక్సాఫీస్ ముందు విజయం సాధించింది. అయితే ఈ చిత్రం మార్చి 4న ఓటీటీలో విడుదలైంది.