అప్పుడు కాదని.. ఇప్పుడు ఓకే చేయబోతున్నాడట?

హీరో రామ్.. ప్రముఖ దర్శకుడు అనిల్​ రావిపూడి కాంబినేషన్​లో సినిమా రాబోతోంది. ఇప్పటికే ఇద్దరి మధ్య చర్చలు జరుగుతున్నాయని తెలుస్తోంది. త్వరలోనే అధికార ప్రకటన వెలువడే అవకాశాలున్నాయని సీనీ వర్గాల్లో టాక్.

ప్రముఖ దర్శకుడు అనిల్‌ రావిపూడి గతంలో యంగ్​ హీరో రామ్‌తో ఓ సినిమా తెరకెక్కిద్ధామనుకున్నాడు. కానీ, పలు కారణాల వల్ల రామ్‌ ఆ సినిమా చేయలేకపోయాడు. ఫలితంగా ఆ కథను రవితేజకు వినిపించి 'రాజా ది గ్రేట్‌' అనిపించుకున్నాడు. ఇప్పుడు మళ్లీ అనిల్..​రామ్‌తో ఓ సినిమాను సిద్ధం చేసుకుంటున్నాడని సమాచారం.

ఇప్పటికే ఇద్దరి మధ్య చర్చలు జరుగుతున్నాయని, అనిల్‌ చెప్పిన కథ నచ్చి.. రామ్‌ పచ్చజెండా ఊపే అవకాశాలున్నాయని చిత్ర సీమలో టాక్​.

ప్రస్తుతం కిశోర్‌ తిరుమల దర్శకత్వంలో రామ్​ 'రెడ్‌' సినిమా చేస్తున్నాడు. ఈ చిత్రం పూర్తైన తర్వాత అనిల్‌తో సినిమా పట్టాలెక్కించనున్నాడని తెలుస్తోంది. త్వరలోనే అధికారిక ప్రకటన వెలువడే అవకాశాలున్నాయి.

ఇవీ చూడండి.. సమీక్ష- 'రాజావారు-రాణిగారు' మెప్పించిందా..!